Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”
2 Samuweli 22:3 - Siswati 1996 Bible Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca. Usiphephelo sami neMsindzisi wami. Etigebengwini, wena uyangisindzisa. |
Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”
“Indlela yaNkulunkulu ilungile. Livi laSimakadze letsembekile. Yena usihlangu sabo bonkhe labaphephela kuye.
“Simakadze uyaphila! Alidvunyiswe lidvwala lami! Akaphakanyiswe Nkulunkulu, Lidvwala lami, neMsindzisi wami!
Wangikhulula etitseni tami. Wangiphakamisa ngaba ngetulu kwalabo labemelene nami, wangephula kubantfu belutfutfuva.
Nguwe, Nkhosi, umenti wankhulu, inkhosi yakho uyiphe kuncoba timphi ngetimphi, wentele logcotjiwe wakho umusa wakho longapheli, yebo, Davide netitukulwane takhe phakadze naphakadze.”
Nkulunkulu wema-Israyeli wakhuluma, Lidvwala laka-Israyeli latsi kimi: ‘Nangabe umuntfu ahola sive ngekulunga, asibuse ngekwesaba Nkulunkulu,
Ningabagongonyi labacindzetelwe, nibaphatamise etindleleni tabo, kodvwa Simakadze usiphephelo sabo.
Shangatsi labo labacambela labanye emanga, bangete baphumelela. Shangatsi bubi bungahlasela tidlova.
Simakadze, ngeluse ungivikele emandleni alababi; ngephule kubantfu labatidlova, labahlose kungigila ngiwe.
Nangicalata eceleni kwami, ngikhandza kutsi kute namunye longangisita, kute longivikelako, kute nalonginakile.
UnguNkulunkulu wami lowetsembekile nenqaba yami lengibalekela kuyo, usiphephelo sami nemkhululi wami, usihlangu sami lengiphephela kuso. Wenta tive tikhotsame kimi.
Simakadze, ulidvwala lami, nenqaba yami, neMkhululi wami. Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca.
Uyawungibhacisa ngaphansi kweluphahla lwakhe ngelilanga lenhlupheko. Uyawungifihla ethendeni lakhe, angisimise edvwaleni leliphakeme.
Simakadze ungemandla ami nesihlangu sami, inhlitiyo yami yetsembele kuye. Wangisita, ngako inhlitiyo yami igcunyagcunyiswa yinjabulo. Ngiyawumbonga ngengoma yami.
Kodvwa-ke wena, Simakadze, ulihawu lami, nebukhosi bami, uyangisimisa, unginike sibindzi sekuncoba.
Wena uyindzawo yami yekubhaca, uyangiphephisa ekuhluphekeni ungisingatse ngetingoma tenkhululeko. Cabanga.
Ngako-ke kute lesikwesabako: nome kugucuka umhlaba utanyatanyiswe, nome tintsaba tingacwila ekujuleni kwelwandle,
Simakadze, nguwe lobusisa lolungile. Umfukamela ngemusa wakho, kube shangatsi kungelihawu.
Hhawu, Simakadze, citsa lusongo lwabo, uphambanise inkhulumo yabo, ngobe ngibona umbango nekuphikisana kulelidolobha.
Kodvwa mine ngiyawuhlabela ngibabate emandla akho, ngetsabele umusa wakho ekuseni, ngobe wena uyinqaba yami, waba siphephelo sami ngesikhatsi sekuhlupheka kwami.
Ngobe wena usiphephelo sami, uyinqaba lengumbhoshongo locinile wekungivikela esitseni sami.
Ikhulula kuphila kwalabo labasekubandzetelweni nasebudloveni, ingati yabo iligugu emehlweni ayo.
Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.
Awu, Nkulunkulu! Tihlangananhloko tingivukele; lesishoshomane setidlova sifuna kungibulala, tona atikwati nekutsi uyini.
Labati libito lakho bayawukwetsembela kuwe, ngobe wena, Simakadze, awubafulatseli labakufunako.
Simakadze uyingoma yami, nemandla ami, yena sewuyinsindziso yami. Nguye longuNkulunkulu wami, ngiyawudvumisa yena. Yena unguNkulunkulu wabobabemkhulu, ngiyawudvumisa bukhulu bakhe.
Libito laSimakadze liyinqaba lecinile, lapho kungabalekela khona bantfu labalungile basindze.
“Nkulunkulu wetsembekile etetsembisweni takhe. Uyabaphephisa labo labeta kutewukhosela kuye.
Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”
Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.
Shanoni loko lokutako, nikwetfule; abelulekane kanyekanye. Ngubani lowase wakhuluma ngaloku kungakenteki kadzeni, wakukhuluma kusesekhashane endvulo? Kwakungesimi yini, Simakadze? Futsi kute lomunye Nkulunkulu ngaphandle kwami, Nkulunkulu lolungile nalonguMsindzisi; kute lomunye ngaphandle kwami.
Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.
Ngobe naku lokushiwo nguSimakadze longuSomandla, Nkulunkulu wema-Israyeli, utsi: ‘Ngiyakwehlisela siphetfo, embikwemehlo enu nasemihleni yenu, siphetfo semisindvo yekujabula neyentfokoto, liphimbo lamakoti nelemyeni kulendzawo.’
“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.
Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”
Uphindze atsi: “Ngiyawubeka litsemba lami kuNkulunkulu;” aphindze atsi: “Ngilapha mine, nebantfwana Nkulunkulu langiphe bona.”
Hana wachubeka wathandaza watsi: “Inhlitiyo yami iyajabula kuSimakadze; Simakadze ungemandla ami. Umlomo wami uyaticoloshela titsa tami, ngobe ngiyajabula ekusindziseni kwakhe.
“Kute longcwele njengaSimakadze, kute nalomunye ngaphandle kwakho, kute lidvwala lelinjengaNkulunkulu wetfu.