Kwase kuba nendlala lenkhulu eKhenani. Ngako-ke Abrama wehlela eGibhithe; wahlala khona sikhashana, ngobe indlala yayiyinkhulu kakhulu eKhenani.
2 Samuweli 21:1 - Siswati 1996 Bible Kwaba nendlala lenkhulu ngesikhatsi sekubusa kwaDavide, kwadzimate kwaphela iminyaka lemitsatfu ilandzelana. Ngako Davide wafunisisa buso baSimakadze ngaloko. Simakadze watsi: “Loku kungenca yaSawula nangendlu yakhe lebovu ingati, kungobe Sawula wabulala bantfu baseGibeyoni.” |
Kwase kuba nendlala lenkhulu eKhenani. Ngako-ke Abrama wehlela eGibhithe; wahlala khona sikhashana, ngobe indlala yayiyinkhulu kakhulu eKhenani.
Kwase kwaba khona lenye indlala eveni, kungesiyo lena leyaka yaba khona ngetikhatsi tabo-Abrahama. Isaka-ke wase uyesuka uya eGerari ka-Abimeleki, inkhosi yemaFilisti.
Ngetulu kwaloko, wonkhe umhlaba weta eGibhithe kutawutsenga kudla kuJosefa, ngobe lendlala yase ikhungetse wonkhe umhlaba.
Ngako emadvodzana a-Israyeli ahamba kanye nalabanye batsengi kuyawutsenga kudla, ngobe lendlala yase ilikhungetse lonkhe laseKhenani.
Watsatsa umbuso waSawula, manje Simakadze sewujezisa wena ngenca yekubulala bantfu labanyenti kangaka bendlu yaSawula! Simakadze sewutsetse umbuso wakho wawunika indvodzana yakho Absalomu, wena sewutiphuphisile mbulali-ndzini.”
Bamphendvula batsi: “Macondzana nalomuntfu labesibulala afuna kusicedza, kuze kungasali namunye wetfu aphila kulo lonkhe laka-Israyeli,
Lulaka lwaSimakadze lwasivutsela sive sema-Israyeli, wachukuluta Davide kutsi abavukele, watsi: “Hamba uyewubala bonkhe baka-Israyeli nebakaJuda.”
Ngako Davide wabuta kuSimakadze, watsi: “Kufanele yini ngihambe kuyawuhlasela lamaFilisti? Utawanikela yini esandleni sami?” Simakadze wamphendvula watsi: “Yebo, hamba, ngobe nakanjani emaFilisti ngitawanikela esandleni sakho.”
Ngako Davide wabuta kuSimakadze, lowaphendvula watsi: “Ungenyukeli lapho, kodvwa tungeleta ngemuva kwawo, bese uwahlasela ngembili kwetihlahla tebhalisamu.
Elija waseThishbe, labewekutalwa eThishbe kulakaGileyadi, wakhuluma ku-Ahabi watsi: “Ngelibito laSimakadze, Nkulunkulu lophilako wema-Israyeli, lengimkhontako, ngiyakutjela ngitsi kungeke kube khona ematolo ngisho nemvula kuleminyaka lembalwa letako, kuze kusho mine.”
Ngako Elija wahamba wayakutiveta ku-Ahabi. Ngaleso sikhatsi bekunendlala lenkhulu eveni laseSamariya,
Kwaba nendlala lenkhulu kabi eSamariya ngenca yaloko kuvinjetelwa kwayo. Inhloko yembongolo yase ibita tinhlavu tesiliva letingema-80, bese kutsi umbhidvo lowawungagcwala sandla wona ubite tinhlavu tesiliva letisihlanu.
Elisha abekhulume kulomfati labekavuse umfanyana wakhe ekufeni, watsi: “Baleka kanye nemndeni wakho niyewubhaca nome ngukuphi lapho ningabhaca khona, kube sikhashana, ngobe Simakadze sewukumisile kutsi kube nendlala eveni letawutsatsa iminyaka lesikhombisa.”
Wena utsite: “Funani buso bami.” Mine-ke enhlitiyweni yami ngitsi: “Buso bakho, Simakadze, ngiyabufuna.”
Umtfombo wesinkhwa ngiyakuwujuba kangangekutsi bafati labalishumi bayawuhlanganyela hhavini munye kupheka sonkhe sinkhwa labanaso. Bayawukwenetisana ngalelo lite labayawube banalo. Niyawudla, kodvwa ningeke nesutse.
Utakuma embikwa-Eleyazare, umphristi, lotamtsatsela tincumo latitfole nge-Urimu kuSimakadze. Ngekukhuluma kwakhe yena nesive sonkhe sema-Israyeli bayawuphuma baphindze bangene njengekuyala kwakhe.”
Kodvwa ema-Israyeli ona, atsatsa tintfo lokwakufanele tibhujiswe. Akhani, umsa waKhami, umsa waZabdi labenguZimri, umsa waZera, wesive sakaJuda, watsatsa letinye tato. Ngako lulaka lwaSimakadze lwasivutsela sive sema-Israyeli.
Naku lesitakwenta kuwo: Sitawayekela aphile, kuze lulaka lungasehleli ngekutsi sephule sifungo setfu lesasenta kuwo.”
Kadzeni, live lisabuswa tikhulu kwase kwaba nendlala lenkhulu eveni. Lenye indvodza yakaJuda, leyayihlala eBhetlehema, yahamba nemkayo nemadvodzana ayo lamabili yaya kuyawuhlalahlala eveni lakaMowabi.
Ngako baphindza babutisisa kuSimakadze, batsi: “Kungabe lomuntfu sewufikile yini lapha?” Simakadze wabaphendvula watsi: “Yebo, sewufikile, mane ubhace emkhatsini wemitfwalo.”
Bantfu baseKheyila batanginikela yini kuye? Yena Sawula usetakwehla ngempela yini, njengobe inceku yakho ivile? Awu! Simakadze, Nkulunkulu wema-Israyeli, tjela inceku yakho.” Simakadze watsi: “Utakwehla.”
Davide wabuta kuSimakadze watsi: “Ngihambe yini ngiyewuhlasela lamaFilisti?” Simakadze wamphendvula watsi: “Hamba uyewuhlasela emaFilisti, usindzise iKheyila.”
Davide waphindza futsi wabutisisa kuSimakadze. Simakadze wamphendvula watsi: “Yehla uye eKheyila, ngobe emaFilisti ngiwanikela esandleni sakho.”