2 Samuweli 2:32 - Siswati 1996 Bible

BoJowabe batsatsa Asaheli bamngcwaba ethuneni leyise eBhetlehema. Base bashuca busuku bonkhe, befika eHebroni nakudzabuka kusa.

2 Samuweli 2:32 Referencias Cruzadas

Genesisi 47:29

Watsi nasatakufa, wabita indvodzana yakhe Josefa, watsi kuyo: “Nangemukeleka kuwe, beka sandla sakho ngaphansi kwelitsanga lami, wetsembise ngesifungo kimi kutsi ungeke ungingcwabe lapha eGibhithe.

Genesisi 47:30

Ngifuna kungcwatjwa lapho kwangcwatjwa khona bobabe. Ubongetfwala, ungikhiphe eGibhithe ngiyekungcwatjwa lapho kwangcwatjwa khona bobabe.” Josefa wamphendvula watsi: “Ngiyawukwenta loko njengobe ushito.”

2 Samuweli 2:31

Kodvwa emadvodza akaDavide abebulele bakaBhenjamini labangema-360 labebahamba na-Abneri.

2 Samuweli 5:1

Tonkhe tive tema-Israyeli teta kuDavide eHebroni, tafike tatsi: “Tsine siyinyama yakho nengati yakho.

2 Tikhronike 16:14

Wafihlwa ethuneni labetakhele lona eDolobheni laDavide. Bamfaka eluhlakeni lolwalufakwe imitsi yekugcina sidvumbu, bafaka netinhlobonhlobo temakha, base babasa imbutfuma yemlilo yekumlilela.

2 Tikhronike 21:1

Jehoshafati wase uyakhotsama, wafihlwa emadlizeni aboyisemkhulu, eDolobheni lakaDavide; Jehoramu, umsa wakhe, waba yinkhosi esikhundleni sakhe.

Taga 22:29

Use wambona nje umuntfu loyingcweti emsebentini wakhe? Nguye lowo loyawusetjentiswa ngemakhosi, angeke aweswele nemsebenti.

Tikhulu 8:32

Gideyoni, umsa waJowashi, wafa asakhulile kakhulu ngeminyaka. Wangcwatjwa ethuneni leyise, Jowashi, lelalise-Ofra, kulema-Abiyezeri.

1 Samuweli 17:58

Sawula wambuta watsi: “Ungumsa wabani, mfana?” Davide waphendvula watsi: “Ngitalwa yinceku yakho lenguJese waseBhetlehema.”