Watsi Ezra asathandaza, avuma tono akhala, atijika phansi embikwendlu yaNkulunkulu, sicumbi lesikhulu sema-Israyeli, emadvodza, nebafati kanye nebantfwana sabutsana kuye samtungeleta. Naso sasikhala kakhulukati.
2 kubaseKorinthe 12:21 - Siswati 1996 Bible Ngesaba kutsi nangiphindze ngita lapho futsi, shangatsi Nkulunkulu wami angangitfobisa embikwenu, kutsi ngililele labo labonile labangakaphendvuki ekungcoleni, nasebugwadleni, nasebuphingini, nasenkhanukweni labayentile. |
Watsi Ezra asathandaza, avuma tono akhala, atijika phansi embikwendlu yaNkulunkulu, sicumbi lesikhulu sema-Israyeli, emadvodza, nebafati kanye nebantfwana sabutsana kuye samtungeleta. Naso sasikhala kakhulukati.
Ngatsi kube ngikuve loko, ngaklebhula ingubo nesembatfo sami, ngahhula tinwele tami nesilevu sami, ngahlala phansi ngijabhile.
Ngako Mosi wancandzeka wabuyela kuSimakadze, wafike watsi: “Labantfu sebatentele sono lesikhulu lesesabekako. Sebente nkulunkulu ngegolide base bayamkhonta.
Kodvwa naningalaleli, ngiyawukhala emasitseleni ngenca yeligcabho lenu. Emehlo ami ayawukhala kabuhlungu kabi agobhote tinyembeti, ngobe umhlambi waSimakadze uyawube utfunjiwe.
Kube mane inhloko yami beyisiyalu semanti nemehlo ami abe ngumtfombo wetinyembeti, bengitawukhala busuku nemini, ngenca yekubulawa ngesihluku kwesive sami!
Asitiphatse ngalokufanele njengalabahamba emini, hhayi ngekumita nangekudzakwa, hhayi ngekuphinga nangekugwadla, hhayi ngekucabana nangemona,
Kubikiwe ngempela kimi kutsi kukhona bugwadla nebuphingi emkhatsini wenu, futsi buphingi lobungazange sebubekhona ngisho nakulabangakholwa, ngobe kutsiwa umuntfu ushenda nemkayise.
Bengingahle ngikhukhunyetwe kakhulu ngenca yetembulo letinyenti, ngako-ke kwabekwa linyeva enyameni yami, ingilosi yaSathane yangihlaba, khona ngingetitikhukhumeta kakhulu.
Ngabecwayisa labo labona kucala, namanje futsi ngiyabecwayisa naloku ngingekho, njengobe ngabatjela nangilapho ekuvakasheni kwami kwesibili kutsi nangingefika lapho ngiyakubashiya emehlo ekubuka,
Ngako-ke khombisani embikwemabandla lutsandvo lwenu kulamadvodza, nifakazele kutigcabha kwetfu ngani.
Phela imisebenti yenyama isebaleni, ngulena: bugwadla, nebuphingi, nekungcola, nemanyala,
“Ngako ngancandzeka ngehla entsabeni leyayisavutsa umlilo. Letibhelekeca letimbili tematje tatisetandleni tami.
“Ngawa phansi ngakhotsamisa buso bami embikwaSimakadze kuwo onkhe lamalanga langema-40 nebusuku lobungema-40, ngobe Simakadze abetsite utanibhubhisa.
Ngaloko-ke bulalani tonkhe tinkhanuko tenu talapha emhlabeni: bugwadla, nebuphingi, nekungcola, nekuhungeka, nekukhanuka lokubi, nebukhali lobukukhonta tithico.
Umshado awuhlonishwe ngibo bonkhe; labatsetsene kufanele betsembeke lomunye kulomunye. Nkulunkulu uyawubehlulela bonkhe labagwadlako nalabaphingako.
Bakhuluma emagama lalite, bayenge ngetinkhanuko nangemanyala labo labasandza kuphunyula kulabedukako.
Labanye basindziseni nibahlwitse emlilweni. Kodvwa labanye nibevele ngekwesaba, ningatitsintsi tingubo letingcoliswe tinkhanuko tabo letimbi.
Khumbulani futsi iGomora neSodoma nemadolobha labekakhelene nawo. Bantfu balawo madolobha nabo balingisa letingilosi. Emadvodza abelalana odvwana ngendlela lengazange seyibonwe nalephambene nemvelo ehlelwa sijeziso lesimatima, umlilo longacimeki; aba secwayiso.
Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”
Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.
Samuweli waze wafa seloku angayi kuyawubona Sawula, kodvwa waphatseka kabi ngaye. Simakadze watisola ngekutsi abente Sawula kutsi abe yinkhosi yema-Israyeli.