2 kubaseKorinthe 11:14 - Siswati 1996 Bible

Loko-ke akumangalisi, ngobe naSathane utigucula abe yingilosi yekukhanya.

2 kubaseKorinthe 11:14 Referencias Cruzadas

2 kubaseKorinthe 11:3

Kodvwa ngineluvalo ngani, kutsi njengobe inyoka yakhohlisa Eva ngebucili bayo, nani tingcondvo tenu tingahle tedukiswe niyekele kutinikela kuKhristu ngeliciniso nangebumsulwa.

2 kubaseKorinthe 2:11

Siyawati emachinga aSathane; ngako-ke akukafaneli simvumele asehlule.

KubaseGalathiya 1:8

Kodvwa-ke nakukhona umuntfu, nome ngabe ngitsi nome yingilosi lechamuka ezulwini, lofika nalelinye livangeli lelehlukile kunaleli lesanishumayela lona, lowo akabe ngulocalekisiwe.

Kubase-Efesu 6:12

Ngobe asilwi nebantfu, kodvwa silwa netikhulu temimoya, nemandla, nebabusi bendalo yalobumnyama, nemabutfo abomoya lababi labasemkhatsini.

KubaseKholose 1:12

nibonge uYise lowanenta nafanelwa sabelo selifa lalabangcwele ekukhanyeni.

KubaseKholose 1:13

Wasikhulula emandleni ebumnyama, wasibeka embusweni weNdvodzana yakhe letsandzekako.

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.