2 kubaseKorinthe 1:23 - Siswati 1996 Bible

Ngibita Nkulunkulu kutsi abe ngufakazi wami wekutsi mine ngangisita nine ngekungaphindzi kwami ngite eKhorinte.

2 kubaseKorinthe 1:23 Referencias Cruzadas

Imisebenti yebaPhostoli 18:1

Emvakwaloko Pawula wesuka e-Athene waya eKhorinte.

Imisebenti yebaPhostoli 18:8

Kepha Khrispusi, umphatsi welisinagoge, wakholwa eNkhosini kanye nendlu yakhe, nebantfu labanyenti baseKhorinte lababeve livi kuPawula, bakholwa, base bayabhajatiswa.

KubaseRoma 1:9

Nkulunkulu lengimkhonta ngemoya wami wonkhe ngekushumayela liVangeli leNdvodzana yakhe ungufakazi wami wekutsi nginikhumbula kangakanani emithandazweni yami onkhe emalanga.

KubaseRoma 9:1

Ngikhuluma liciniso ngikuKhristu, angikhulumi emanga; nanembeza wami lokuMoya Longcwele uyangifakazela kutsi

1 kubaseKorinthe 4:21

Manje-ke nifunani? Nifuna ngite kini nendvuku, nome ngite nelutsandvo nemoya lomuhle?

1 kubaseKorinthe 5:5

lowo muntfu mnikeleni kuSathane ekufeni kwemtimba wakhe, khona kuyawusindziswa umoya wakhe ngelilanga leNkhosi Jesu.

2 kubaseKorinthe 1:1

Lencwadzi iphuma kuPawula, umphostoli waKhristu Jesu ngekwentsandvo yaNkulunkulu, nakuThimothi, umzalwane. Iya ebandleni laNkulunkulu leliseKhorinte, nakubo bonkhe labangcwele labakulo lonkhe lase-Akhaya.

2 kubaseKorinthe 1:18

Njengobe Nkulunkulu etsembekile, nemavi etfu kini akasiye “Yebo” na “Cha.”

2 kubaseKorinthe 10:2

Nginincenga kutsi nase ngifikile lapho kungadzingeki ngibadvumele ngesibindzi lengicondze kusisebentisa kulabanye labatsi tsine sichutjwa live.

2 kubaseKorinthe 11:10

Njengobe liciniso laKhristu likimi, kute loyawungibindzisa kulokutigabatisa kwami etifundzeni tase-Akhaya.

2 kubaseKorinthe 11:11

Leni? Ngobe nginganitsandzi yini? Nkulunkulu uyati kutsi ngiyanitsandza.

2 kubaseKorinthe 11:31

Nkulunkulu neYise weNkhosi Jesu, yena lofanele kudvunyiswa phakadze naphakadze, uyati kutsi angicali wona emanga.

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

2 kubaseKorinthe 13:10

Loku ngikubhala ngisengakefiki kini, kuze kutsi nangifika lapho kungadzingeki kutsi nginiphatse ngesandla lesimatima lenginikwe sona yiNkhosi, kutsi ngakhe, ngingahliphiti.

2 kubaseKorinthe 13:2

Ngabecwayisa labo labona kucala, namanje futsi ngiyabecwayisa naloku ngingekho, njengobe ngabatjela nangilapho ekuvakasheni kwami kwesibili kutsi nangingefika lapho ngiyakubashiya emehlo ekubuka,

2 kubaseKorinthe 6:6

nangekuhlanteka, nangelwati, nangekubeketela, nangemusa, nangaMoya Longcwele, nangelutsandvo lolujulile,

KubaseGalathiya 1:20

Ngiyacinisa embikwaNkulunkulu kutsi loku lenginibhalele kona akusiwo emanga.

KubaseFiliphi 1:8

Nkulunkulu ungufakazi wami kutsi nginilangatelela kanganani nonkhe ngesihe saKhristu Jesu.

1 kubaseThesalonika 2:5

Tsine asizange sikhulume emagama ekuyenga, njengobe nani nati, asizange futsi sibe nebucili bekufisa bunjinga, Nkulunkulu ungufakazi.

1 kuThimothi 1:20

Labanye babo nje boHumenayosi na-Alekzanda lesengibanikele kuSathane kutsi batewufundza kungamhlambalati Nkulunkulu.