2 kubaseKorinthe 1:15 - Siswati 1996 Bible

Kucala ngangifisa kuta kini, kuze nitewutfola umusa ngalokuphindziwe.

2 kubaseKorinthe 1:15 Referencias Cruzadas

Matewu 1:19

Kepha Josefa, indvodza yakhe, abengumuntfu lolungile, akatsandzanga kumtsela ngelihlazo. Wacabanga, asafuna kumlahla ngasese.

KubaseRoma 1:11

Maye, ngiyafisa kunibona khona ngitewucetunelana nani sipho saMoya kuze nitewucina.

KubaseRoma 15:29

Ngiyati kutsi nangifika kini, ngiyawuniphatsela inala yetibusiso taKhristu.

1 kubaseKorinthe 11:34

Nakukhona lolambile, abodla ekhaya, khona ningetiwubutsanela kulahlwa. Lokunye lokusalako sengiyawukusho, nangifika lapho.

1 kubaseKorinthe 16:7

Angeke nginibone kwamanje ngisetakwendlula, ngobe ngifuna kufike ngihlale lapho kini sikhatsi, iNkhosi nayivuma.

1 kubaseKorinthe 4:19

Kodvwa ngitawufika lapho kini masinyane, iNkhosi nayivuma, ngitetibonela, hhayi emavi alabo labatikhukhumetako, kodvwa emandla abo.

2 kubaseKorinthe 12:14

Sekwesitsatfu ngilungela kuta lapho kini. Ngingeke ngibe ngumtfwalo kini, ngobe angifuni kona lokukwenu, kodvwa ngifuna nine. Phela bantfwana akusibo labafanele kukhatsalela batali babo, kodvwa batali labafanele bakhatsalele bantfwababo.

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.