1 yaPhetro 5:8 - Siswati 1996 Bible

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.

1 yaPhetro 5:8 Referencias Cruzadas

Esta 7:6

Esta watsi: “Sitsa setfu, umuntfu losenyanyako, nalesisinengiso kuye ngunangu Hamani, lonenhlitiyo lembi!” Hamani wahlahlela inkhosi nenkhosikati lenkhulu emehlo asetfukile, esaba.

Jobe 2:2

Simakadze wabuta Sathane, watsi: “Uphumaphi?” Sathane waphendvula Simakadze, watsi: “Ngiphuma kuyawuhlamahlama emhlabeni, lapho bengihambahamba khona ngehla ngenyuka.”

Tihlabelelo 104:21

Emabhubesi ayabhodla atamule, atingele tinyamatane, afuna kudla kwawo kuNkulunkulu.

Tihlabelelo 109:6

Bakhuluma batsi: “Akagwetjwe ngumehluleli lomubi, ummangaleli wakhe amelane naye.

Taga 19:12

Intfukutselo yenkhosi ifanana nekubhodla kwelibhubesi; kodvwa umusa wayo ufanana nematfonsi emvula.

Taga 20:2

Kutfukutsela kwenkhosi kufanana nekubhodla kwelibhubesi, lowo loyitfukutselisako ulengisela imphilo yakhe ekufeni.

Taga 28:15

Njengelibhubesi lelibhodlako nelibhele lelihhongako, unjalo umbusi lomubi lobusa bantfu labeswele.

Isaya 50:8

Lowo longivikelako sewusedvutane. Ngubani-ke longangibeka emacala? Asibhekane buso nebuso! Ngubani ummangaleli wami? Akangisukele phela!

Jeremiya 2:15

Emabhubesi abhodlile, amhhongela. Live lakhe alente laba lihlane lelingenalutfo, emadolobha akhe ashisiwe, asala akhala libhungane.

Jeremiya 51:38

Bantfu bakhona bonkhe babhodla njengemabhubesi lasemancane, bayahhonga njengemankhonyane emabhubesi.

Hezekeli 19:7

Labhidlita tinqaba tabo, labhubhisa nemadolobha abo. Live kanye nalabo labakhile kulo betfuka batfutfumela ngenca yekubhavumula kwalo.

Hezekeli 22:25

Kuneluzungu lwetikhulu talo letisekhatsi kulo njengelibhubesi lelibhodlako nalidladlabula inyamatane yalo lelitayidla, tishwabudzela bantfu, titsatse ingcebo netintfo letingemagugu, tente bafelokati labanyenti ekhatsi kulo.

Danyela 6:24

Inkhosi yakhipha umyalo, kwaletfwa kuyo onkhe lamadvodza labebeke Danyela licala ngekumcalela emanga, ajikijelwa emgodzini wemabhubesi, wona, nabomkawo, kanye nebantfwabawo. Emabhubesi atseleka etikwabo, abadzabudzabula abacedza bangakefiki ngisho nasesiyilweni salomgodzi wemabhubesi, ababhasha ngisho nematsambo abo.

Hoseya 11:10

Bayawulandzela Simakadze; uyawubhodla njengelibhubesi. Nakabhodla, bantfwabakhe bayawuta batfutfumela, bachamuka ngasenshonalanga.

Hoseya 13:8

Njengelibhele nalemukwe bantfwabalo, ngiyawubesukela ngibadladlabule. Njengelibhubesi ngiyawubashwabudzela, silwane sesiganga siyawubadzabudzabula.

Joweli 3:16

Simakadze utawubhodla aseSiyoni, abhavumule eJerusalema, umhlaba nesibhakabhaka kutfutfumele. Kodvwa Simakadze utawuba siphephelo esiveni sakhe, abe yinqaba yesive saka-Israyeli.

Amose 1:2

Amose wakhuluma watsi: “Simakadze uyabhodla eSiyoni, yebo, Simakadze uyabhavumula aseJerusalema, emadlelo ebelusi ayoma, nesicongo sentsaba iKhameli siyabuna.”

Amose 3:4

Libhubesi liyabhodla yini ehlatsini, lingakabambi inyamatane? Libhubesi lelincane lona lingahhonga yini endzaweni yalo, lingakabambi lutfo?

Amose 3:8

Nakubhodla libhubesi, ngubani longahlala angesabi? INkhosi Simakadze seyikhulumile, ngubani longahlala angaphrofethi?

Zakhariya 11:3

Lalelani kulila kwebelusi betimvu, emadlelo abo laluhlata asabhujisiwe. Lalelani kubhodla kwemabhubesi; lomenakati welihlatsi laseJordane ubhujisiwe.

Zakhariya 3:1

Simakadze wabe sewungibonisa Jeshuwa, umPhristi Lomkhulu, eme embikwengilosi yaSimakadze, naSathane eme ngasesandleni sakhe sekudla atekummangalela.

Matewu 13:39

Sitsa lesahlanyela lukhula nguSathane. Kuvuna kusho siphetfo saletikhatsi, bavuni-ke tingilosi.

Matewu 24:42

Ngako-ke caphelani, ngobe anilati lilanga iNkhosi yenu leyawubuya ngalo.

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

Matewu 4:1

Khona lapho nje Jesu waholelwa nguMoya waNkulunkulu ehlane, kuze atewulingwa nguSathane.

Matewu 4:11

Wesuka Sathane wamshiya, kwase kufika tingilosi titewusita Jesu.

Makho 4:15

Kuhlanyelwa kwaleyo leyawela endleleni kufanekisa labo labatsi bangaliva livi, masinyane kufike Sathane alitsatse lelivi lelihlanyelwe kubo.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

Lukha 21:36

Lindzani nithandaze onkhe emalanga, khona nitawuba nemandla ekuphunyula kuletintfo letitakwenteka nitekwati kuma embikweNdvodzana yeMuntfu.”

Lukha 22:31

“Simoni! Simoni! Lalela! Sathane sewucele imvume kuNkulunkulu yekunilinga, njengemfati ela emabele awehlukanisa nemakhoba.

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

2 kubaseKorinthe 2:11

Siyawati emachinga aSathane; ngako-ke akukafaneli simvumele asehlule.

Kubase-Efesu 4:27

Ningamniki Sathane litfuba.

Kubase-Efesu 6:11

Hlomani tonkhe tikhali taNkulunkulu, khona nitewuba nemandla ekumelana nebucili baSathane.

1 kuThimothi 2:15

Kodvwa umfati uyawusindziswa ngekutala bantfwana, nabahlala ngekuzitsa konkhe ekukholweni, naselutsandvweni, nasekungcwelisweni.

1 kuThimothi 2:9

Kanjalo futsi nalabasikati bafanele kuhloba kahle, bagcoke kahle, nangekuhlonipheka, hhayi ngemichino, nome ngemihlobiso yegolide, nome yematje laligugu, nome ngetingubo letidule kakhulu,

1 kuThimothi 3:11

Kanjalo futsi nalabasikati bafanele kuzitsa, bangahlebi, batitsibe, betsembeke kuko konkhe.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

2 kuThimothi 4:17

Kodvwa iNkhosi yema nami yangicinisa kuze inshumayelo yami ipheleliselwe ngami, nebetive beve. Ngako-ke ngakhululwa emlonyeni welibhubesi.

kuThithusi 1:8

Kodvwa kufanele aphatse kahle tihambi, atsandze lokulungile, aticaphele abe cotfo, abe ngcwele, atibambe.

kuThithusi 2:12

Lomusa usifundzisa kutsi sikudzele kungakholwa, nekutsi sitilumule etinkhanukweni telive, bese siphila ngekuzitsa, nangekulunga, nangekumesaba Nkulunkulu kulomhlaba,

kuThithusi 2:2

Uyale emadvodza lamadzala kutsi atitsibe, azitse, acondze, acine ekukholweni, naselutsandvweni, nasekuciniseleni.

kuThithusi 2:4

Abafundzise bomakoti kutsi batsandze emadvodza abo nebantfwababo,

kuThithusi 2:6

Ubayale nalabadvuna labasebancane kutsi batitsibe.

YaJakobe 4:7

Ngako-ke tfobelani Nkulunkulu, kodvwa nimelane naSathane, uyawunibalekela.

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.

1 yaPhetro 4:7

Siphetfo sato tonkhe tintfo sesisondzele. Ngako-ke tibambeni, nititsibe khona nitekwati kukhuleka.

Sembulo 12:10

Ngeva livi lelikhulu ezulwini litsi: “Nyalo insindziso, nemandla, nebukhosi sekwaNkulunkulu wetfu, neligunya selaKhristu wakhe; ngobe sewulahlelwe phansi ummangaleli lomangalela bazalwane betfu kuNkulunkulu, imini nebusuku.

Sembulo 12:12

Tfokotani-ke, nine mazulu, nani lenihlala kuwo! Kodvwa maye kuwe, mhlaba nelwandle, ngobe Mhlebi sewehlele kini ngentfukutselo lenkhulu, ngobe uyati kutsi sikhatsi sakhe sesifishane!”

Sembulo 12:9

Nyokangwenya lomkhulu walahlelwa phansi, leya nyoka yasemandvulo, lebitwa ngekutsi nguMhlebi nome nguSathane, uMkhohlisi wemhlaba wonkhe. Wajikijelwa phansi emhlabeni kanye netingilosi takhe.

Sembulo 20:10

Sathane labedukise leto tive wabanjwa, wajikwa echibini lemlilo lonesibabule, lapho bekukhona khona silo kanye nemphrofethi wemanga. Bayawuhlushwa batfoseke imini nebusuku phakadze naphakadze.

Sembulo 20:2

Yabamba nyokangwenya, inyoka lendzala, lekutsiwa nguMhlebi nome nguSathane; yambopha ngeluketane iminyaka leyinkhulungwane.

Tikhulu 14:5

Samsoni wehlela eThimna wahamba naboyise nenina. Batsi nase basondzele ngasemasimini emivini yaseThimna, kwachamuka libhongwana lelibhubesi lita kuSamsoni, libhodla.