1 yaPhetro 5:5 - Siswati 1996 Bible

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”

1 yaPhetro 5:5 Referencias Cruzadas

2 Tikhronike 6:41

“Manje-ke, phakama, Simakadze Nkulunkulu, ute endzaweni yakho yekuphumula, wena kanye nelibhokisi lesivumelwane semandla akho. Awu, Simakadze Nkulunkulu, shangatsi baphristi bakho bangembatsiswa ngensindziso. Shangatsi labangcwele bakho bangajabula ngemusa wakho.

Jobe 22:29

Kodvwa Nkulunkulu uyabehlisa labo labatigcabhako, amsindzise umuntfu lotitfobako.

Jobe 29:14

Kulunga ngangikwente kwaba yingubo yami yekwembatsa, kungakhetsi muntfu kwakungusona sembatfo sami nesigcoko sami.

Tihlabelelo 132:16

Baphristi bayo ngiyawubembatsisa ngensindziso, labangcwele bayo bahlabele ngekujabula.

Tihlabelelo 132:9

Baphristi bakho abembatse kulunga, labangcwele bakho bahlabele ngekwetsaba.

Tihlabelelo 138:6

Nome Simakadze aphakeme kangaka, uyabanakekela labatitfobako; kodvwa labatiphakamisako ubabukela khashane.

Taga 25:7

ngobe kuncono kwenyuselwa esikhundleni lesiphakeme kunekwehliselwa phansi, bantfu labakhulu bakubuka.

Taga 3:34

Uyabahleka labo labeyisako, kodvwa unemusa kulabatfobekile.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 66:2

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Hezekeli 26:16

Lapho-ke bonkhe labakhulu bemave langaselwandle bayawukwehlela phansi, besuka etihlalweni tabo tebukhosi, babeke eceleni imijiva yabo, bakhumule tembatfo tabo letihlotjisiwe. Bayawuhlala phansi emhlabatsini bembetse kwesaba, batfutfumela ngato tonkhe tikhatsi, bamangaliswe nguwe.

Danyela 11:12

Kuyawutsi imphi nase itfunjiwe, inkhosi yaseningizimu ikhukhumuke ngeligcabho, ibulale tinkhulungwane ngetinkhulungwane, noko ngeke ihlale ingungcongcoshe.

Levithikusi 19:32

“ ‘Niyawutitfoba embikwalasebakhulile, nibahloniphe, nidvumise Nkulunkulu wenu. NginguSimakadze.

Lukha 22:26

Kodvwa kini akunjalo; lokungenani lomkhulu kakhulu emkhatsini wenu kufanele afanane nalomncane kakhulu, nemholi kufanele afane nesisebenti.

KubaseRoma 12:10

Tsandzanani ngelutsandvo lwebuzalwane, nijakiselane ngekuhloniphana.

KubaseRoma 13:14

kodvwa yembatsani iNkhosi Jesu Khristu ninganakekeli kutsi lesimo senu semtimba lesonakele ningasenelisa kanjani ngetinkhanuko taso.

Kubase-Efesu 5:21

Nitfobelane ngenca yekwesaba Khristu.

KubaseFiliphi 2:3

Ningenti lutfo ngembango nangeludvumo lwelive, kepha ngekutfobeka nishaye kungatsi labanye bakhulu kunani.

KubaseKholose 3:12

Ngako-ke njengebantfu labakhetsiwe baNkulunkulu, labangcwele nalabatsandzekako, yembatsani bubele benhlitiyo, nesisa, nekutitfoba, nebumnene, nekucinisela.

1 kuThimothi 5:1

Ungayikhahli indvodza lendzala, kodvwa uyiyale kube shangatsi uyala uyihlo; labadvuna labasebancane ubaphatse shangatsi uphetse bomnakenu.

KumaHebheru 13:17

Hloniphani baholi benu, nilalele imitsetfo yabo, ngobe balindza imiphefumulo yenu bangaphumuli, njengobe bayawulandzisa ngayo. Nanenta njalo, nibasita, umsebenti wabo batawenta ngekujabula, hhayi ngelusizi; ngobe nani kungeke kunisite loko.

YaJakobe 4:6

Kodvwa Nkulunkulu wephana ngemusa lomkhulu, ngako umBhalo utsi: “Nkulunkulu umelana nalabatigcabhako, kepha labatfobekile ubapha umusa.”

1 yaPhetro 3:8

Kwekugcina-ke, hawukelanani, nibe munye nonkhe, nitsandzane ngebuzalwane, nibe nebubele nekutfobeka.

1 yaPhetro 4:1

Njengobe naKhristu wahlupheka emtimbeni ngenca yenu, nani hlomani ngalowo mcondvo, ngobe umuntfu lowake wahlupheka emtimbeni usuke asacedzile ngesono.

1 yaPhetro 4:5

Kepha ayawutiphendvulela kulowo losalungele kwehlulela labaphilako nalabafile.