1 yaPhetro 5:14 - Siswati 1996 Bible

Bingelelanani ngekwangana kwelutsandvo lwebuzalwane. Kuthula akube kini nonkhe lenikuKhristu.

1 yaPhetro 5:14 Referencias Cruzadas

Matewu 5:47

Futsi nanibingelela bazalwane benu bodvwa, nenta buncono buni-ke? Abenti njalo yini nebetive?

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

Johane 20:19

Kwatsi kusihlwa kwangalelo Sontfo bafundzi bakhe batikhiyele endlini ngekwesaba emaJuda, Jesu wefika kubo, bambona aseme emkhatsini wabo watsi: “Kuthula akube kini!”

Johane 20:26

Kwatsi sekwendlule liviki bafundzi bakhe bandzawonye futsi kuyona leyondlu, naTomase akhona, iminyango ikhiyiwe, Jesu wefika wema emkhatsini wabo, watsi: “Kuthula akube kini!”

KubaseRoma 1:7

Lencwadzi iya kubo bonkhe labatsandzekako baNkulunkulu labaseRoma, lababitelwa kutsi babe ngulabangcwele. Akube kini umusa nekuthula lokuvela kuBabe wetfu Nkulunkulu naseNkhosini Jesu Khristu.

KubaseRoma 16:16

Bingelelanani ngekwangana lokungcwele. Onkhe emabandla aKhristu ayanibingelela.

KubaseRoma 8:1

Sekute kulahlwa kulabo labakuKhristu Jesu.

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

1 kubaseKorinthe 16:20

Bazalwane bonkhe nabo bayakhonta kini. Bingelelanani ngekwangana lokungcwele.

2 kubaseKorinthe 13:12

Bingelelanani ngekwangana lokungcwele. Bayanihambisa bonkhe bazalwane.

2 kubaseKorinthe 5:17

Ngako-ke nangabe umuntfu akuKhristu, usidalwa lesisha; tintfo letindzala setendlulile, konkhe sekwentiwe kwaba kusha.

Kubase-Efesu 6:23

Kuthula akube kubazalwane, nelutsandvo, kanye nekukholwa lokuvela kuNkulunkulu, longuBabe, naseNkhosini yetfu Jesu Khristu.

1 kubaseThesalonika 5:26

Bingelelani bonkhe bazalwane ngekwanga lokungcwele.

1 yaPhetro 1:2

Ngekwatinchanti kwakhe Nkulunkulu uYise wanikhetsa ngekuningcwelisa ngaMoya Longcwele, kuze nilalele Jesu Khristu nihlantwe ngengati yakhe. Shangatsi umusa nekuthula kungandziswa kakhulu kini!

3 yaJohane 1:14

ngobe ngetsemba kutsi ngitakubona masinyane, sikhulume nawe umlomo nemlomo.