1 yaPhetro 5:10 - Siswati 1996 Bible

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.

1 yaPhetro 5:10 Referencias Cruzadas

Tihlabelelo 119:28

Lusizi selungicedze emandla, ngicinise, njengelivi lakho.

Tihlabelelo 138:7

Nome sengitungeletwe tinhlupheko, wena, Simakadze, uyayiphephisa imphilo yami, ungivikele elulakeni lwetitsa tami, unginyomule ngesandla sakho sekudla.

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Zakhariya 10:12

Baka-Israyeli ngiyawubacinisa kuSimakadze, nabo bayawuhamba kulo Libito lakhe,” kusho Simakadze.

Zakhariya 10:6

“Ngiyakuyicinisa indlu yakaJuda, ngiyisindzise indlu yakaJosefa. Ngiyakubabuyisela, ngobe nginesihawu ngabo. Bayakuba shangatsi angizange sengibalahle, ngobe mine nginguSimakadze Nkulunkulu wabo, futsi ngiyawubaphendvula.

Lukha 22:32

Noko sengikukhulekele, Simoni, kuze kungehluleki kukholwa kwakho. Nase uphendvukile wabuya kimi, kufanele ucinise nalabanakenu.”

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

KubaseRoma 15:5

Shangatsi Nkulunkulu, longumtfombo wekubeketela newekucinisela, anganinika kuphilelana ngekuthula lomunye kulomunye ngekwentsandvo yaKhristu Jesu,

KubaseRoma 16:25

Asimdvumise Nkulunkulu! Nguye lonemandla ekunicinisa ngeliVangeli lami nangetinshumayelo ngaJesu Khristu, ngekwesembulo semfihlakalo yeliciniso lelalifihlakele kusukela phakadze,

KubaseRoma 9:11

Injongo yaNkulunkulu yekukhetsanchanti ayigucuki. Kwatsi lamaphahla angakatalwa, asengakenti lutfo lokulungile nalokungakalungi,

KubaseRoma 9:24

Tsine-ke singuleto titja temusa wakhe, latibita, hhayi kumaJuda kuphela kepha nakubetive.

1 kubaseKorinthe 1:10

Bazalwane bami labatsandzekako, ngiyanincenga ngelibito leNkhosi yetfu Jesu Khristu kutsi nivumelane ngantfo yinye nonkhe; kubete kwehlukana emkhatsini wenu, kodvwa nipheleliswe emcondvweni munye nasembonweni munye.

1 kubaseKorinthe 1:9

Wetsembekile Nkulunkulu lowanibitela ebudlelwaneni neNdvodzana yakhe Khristu iNkhosi yetfu.

2 kubaseKorinthe 13:11

Kwekugcina-ke bazalwane, ngitsi: Salani kahle. Lungisani imihambo yenu, netsabele kwemukela imiyalo, nivumelane, nihlalisane ngekuthula, khona Nkulunkulu wekuthula newelutsandvo atewuba nani.

2 kubaseKorinthe 4:17

Ngobe lolusizi lwetfu luncane futsi lwesikhashana, lusilungiselela inkhatimulo lengenawulinganiswa, yaphakadze.

KubaseFiliphi 4:13

Nginemandla ekwenta konkhe ngaye Khristu longicinisako.

KubaseKholose 2:7

nisime ngekugcila, futsi nakhelwe kuye, niciniswe ekukholweni, njengaloku nifundzisiwe, nivame kubonga.

1 kubaseThesalonika 2:12

sanidvudvuta ngamunye ngamunye sinikhutsata, siniyala ngekutsi nihambe ngalokufanelekile kuNkulunkulu, lonibitela embusweni wakhe nasebukhosini bakhe.

2 kubaseThesalonika 2:14

Yena wanibitela kuko ngeliVangeli letfu, kuze nibe nesabelo ebukhosini beNkhosi yetfu Jesu Khristu.

2 kubaseThesalonika 2:17

angadvudvuta tinhlitiyo tenu, anakhele kuyo yonkhe imisebenti lemihle nakuwo onkhe emavi lamahle.

2 kubaseThesalonika 3:3

Kodvwa iNkhosi yetsembekile, iyawunicinisa, ineluse, iniphephise kuLomubi.

1 kuThimothi 6:12

Lwani kulwa lokuhle kwekukholwa, kuze uzuze kuphila lokuphakadze lowabitelwa kuko, wavuma kuvuma lokuhle embikwabofakazi labanyenti.

2 kuThimothi 1:9

Nguye lowasisindzisa wasibita ngelubito lwakhe lolungcwele, hhayi ngemisebenti yetfu, kodvwa ngelisu lakhe nangemusa wakhe, lasipha wona kuKhristu Jesu, umhlaba ungakasekelwa,

2 kuThimothi 2:10

Ngako-ke ngicinisela kuko konkhe ngenca yalabakhetsiwe, kuze kutsi nabo batekwemukela insindziso lekuKhristu Jesu baphiwe nebukhosi baphakadze.

KumaHebheru 9:15

Ngako-ke unguMlamuli wesivumelwane lesisha, kuze kutsi labo lababitiwe batfole lifa laphakadze; ngobe ngekufa kwakhe sebakhululwe etiphambukweni tabo tesikhatsi sesivumelwane sekucala.

1 yaPhetro 1:15

Ngako-ke, njengobe lowo lonibitile angcwele, nani-ke banini ngcwele kuko konkhe kuhamba kwenu.

1 yaPhetro 4:10

Lowo nalowo lowemukele sipho semusa, akasisebentise ekukhonteni labanye njengenceku lenhle yemusa lomnyenti waNkulunkulu.

1 yaPhetro 4:11

Nangabe umuntfu akhuluma, akakhulume ngekwemavi aNkulunkulu; nangabe umuntfu akhonta, akakhonte ngemandla lawanikwa nguNkulunkulu, kuze kutsi kuko konkhe kudvunyiswe Nkulunkulu ngaJesu Khristu, lekukuye bukhosi nemandla phakadze naphakadze. Amen.

2 yaPhetro 1:3

Ngemandla akhe Nkulunkulu usiphe konkhe lesikudzingako kuze siphile, simesabe njengobe simati yena lowasibitela ekuhlanganyeleni naye emandleni nasebukhosini bakhe.

1 yaJohane 2:25

Nguleso-ke setsembiso Khristu lasinika sona: kuphila lokuphakadze.

YaJuda 1:24

Kuye lonemandla ekunigcina, ningete nakhubeka, kuze aniletse ebukhosini bakhe, nite licala, nitfokota kakhulu,