1 yaPhetro 4:4 - Siswati 1996 Bible

Ayamangala kutsi anisahambisani ngani nawo kulomsindvo wekutiphatsa kabi, ayanetfuka.

1 yaPhetro 4:4 Referencias Cruzadas

Matewu 23:25

“Maye kini, bafundzisi bemtsetfo nebaFarisi! Batentisi! Nigeza lingephandle lendzebe nesitja, kantsi ngekhatsi kugcwele buphangi kanye nebumiti.

Lukha 15:13

“Kwatsi ngemalangana indvodzana lencane yatsengisa lifa layo, yahamba nalemali yalibangisa eveni lelikhashane, lapho yayihlaphata khona imali ihleti ngekonakala.

Imisebenti yebaPhostoli 13:45

Lapho emaJuda abona ticuku, aba nemona; aphikisa Pawula kuloko abekusho, ametfuka.

Imisebenti yebaPhostoli 18:6

Batsi nabamphikisa bangavumelani naye bametfuka, watsintsitsa lutfuli etingutjeni takhe wase utsi kubo: “Ingati yenu ayibesemahlombe enu, mine sengite licala. Kusukela nyalo sengitakuya kubetive.”

KubaseRoma 13:13

Asitiphatse ngalokufanele njengalabahamba emini, hhayi ngekumita nangekudzakwa, hhayi ngekuphinga nangekugwadla, hhayi ngekucabana nangemona,

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

1 yaPhetro 3:16

Loku nikwente ngebumnene nangekuhlonipha, nibe nanembeza lomsulwa, kuze kutsi kuloko labanihleba ngako bajabhiswe labo labetfuka kuhamba kwenu lokuhle kuKhristu.

2 yaPhetro 2:12

Kodvwa labantfu labahlambalatako banjengetilwane tesiganga letingenangcondvo, ngekwemvelo titalelwe kubanjwa nekubulawa. Bahlambalata ngetintfo labangatati; kodvwa batawubhujiswa kanye naleto tilwane.

2 yaPhetro 2:22

Kubehlele njengobe saga lesicinisile sitsi: “Inja seyibuyele emahlanteni ayo,” nekutsi: “Ingulube igezwe cedze yabuyela yayawubhocota eludzakeni.”

YaJuda 1:10

Kodvwa labantfu betfuka nome yini labangayicondzi kahle; kantsi letintfo labativa ngekwemvelo yabo, njengetilwane tesiganga, ngito-ke letintfo letibabhubhisako.