1 yaPhetro 4:12 - Siswati 1996 Bible

Batsandzekako, ningamangaliswa ngulokuvivinywa lokubuhlungu kakhulu lokunikhantingako, kube shangatsi nehlelwa yintfo lengakavami.

1 yaPhetro 4:12 Referencias Cruzadas

Umshumayeli 5:8

Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

Isaya 28:21

Simakadze utawuvuka, njengobe wake wenta eNtsabeni yasePherasimu, lulaka lwakhe luyakumvuselela njengaseSigodzini saseGibeyoni, kutsi ente umsebenti wakhe, yebo, umsebenti wakhe lomangalisako kutsi aphelelisele umsebenti wakhe, yebo, umsebenti wakhe longaketayeleki.

Danyela 11:35

Labanye balabahlakaniphile bayawukhubatela, kuze bahlanjululwe ngekucengwa, bangcweliswe, bentiwe bangabi nasici kuze kube sikhatsi sesiphetfo, ngobe sona siyawufika ngesikhatsi lesimisiwe.”

1 kubaseKorinthe 10:13

Anikefikelwa kulingwa lokwehlukile kunekwalabanye bantfu. Kepha Nkulunkulu wetsembekile, yena angeke avume kutsi nilingwe ngalokungetulu kwemandla enu. Ngesikhatsi sekulingwa utaninika emandla ekuma, anentele nendlela yekuphepha.

1 kubaseKorinthe 3:13

Kepha umsebenti walowo nalowo uyawuvela ebaleni; ngobe lilanga leNkhosi liyakuwuhlakata liwembule ngemlilo. Yebo, kuyawuhlolwa ngemlilo kutsi umsebenti walowo nalowo unjani.

2 kuThimothi 3:12

Yebo, bonkhe labafisa kuphila ngekukholwa nguKhristu Jesu bayawutingelwa bahlushwe,

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.

1 yaPhetro 4:4

Ayamangala kutsi anisahambisani ngani nawo kulomsindvo wekutiphatsa kabi, ayanetfuka.

1 yaPhetro 5:9

Melanani naso nicinile ekukholweni, nati kutsi tona leto tinhlupheko tiyabehlela nebazalwane benu labasemhlabeni wonkhe.