Ngako-ke naku lokushiwo nguSimakadze longuSomandla, utsi: “Buka la, ngibeka litje eSiyoni, litje lelihloliwe, litje leliligugu lekusimisa indlu, lelisisekelo lesetsembekile sendlu; lowo lowetsembele kimi ngeke ajabhe.
1 yaPhetro 2:4 - Siswati 1996 Bible Sondzelani eNkhosini, ngobe yona ilitje leliphilile lelaliwa bantfu, batsi alinamsebenti, kepha lakhetfwa nguNkulunkulu njengelitje leliligugu. |
Ngako-ke naku lokushiwo nguSimakadze longuSomandla, utsi: “Buka la, ngibeka litje eSiyoni, litje lelihloliwe, litje leliligugu lekusimisa indlu, lelisisekelo lesetsembekile sendlu; lowo lowetsembele kimi ngeke ajabhe.
Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.
Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.
“Ncandzekani sive lesingaketsembeki, ngiyawunelapha kulokuhlubuka kwenu.” “Yebo, siyakuta kuwe, ngobe wena unguSimakadze Nkulunkulu wetfu.
Utsite usabukile, kwahleshulwa lidvwala, kodvwa alihleshulwanga tandla temuntfu. Lelidvwala lashaya lesitfombe etinyaweni taso letatitensimbi nelibumba, latiphihlita.
Ngiyo leyo-ke inchazelo yalombono welidvwala lelahleshulwa entsabeni, kodvwa hhayi ngetandla temuntfu, ngilo lelidvwala lelabhidlita insimbi, nelitfusi, nelibumba, nesiliva kanye negolide, kwaba ticucu. “Nkulunkulu lomkhulu wembulele inkhosi loko lokutakwenteka kuletikhatsi letitako. Leliphupho liliciniso, nalokuchazwa kwalo kwetsembekile.”
Buka, litje lengilimise embikwaJeshuwa. Kunemehlo lasikhombisa kulelitje linye, mine ngitawucopha umbhalo kulo, nesono salelive ngiyawusisusa ngalanga linye,’ kusho Simakadze longuSomandla.
“Uyini wena, wena ntsaba lenemandla? EmbikwaZerubhabheli uyawuba litsafa lelibekile. Yena-ke uyawubeka litje lekwephetsa lithempeli, kumenyetwe kutsiwe: ‘Nkulunkulu akalibusise! Nkulunkulu akalibusise!’ ”
“Nansi inceku yami lengiyikhetsile, lotsandzekako wami, lotfokota ngaye umphefumulo wami. Ngiyawubeka Moya wami etikwakhe, amemetele kwehlulela kubetive.
Jesu watsi kubo: “Anizange nifundze yini emiBhalweni kutsi: “ ‘Litje lelaliwa bakhi, ngobe batsi alinamsebenti, ligucuke laba litje lekusimisa indlu? Loko kwentiwa yiNkhosi. Maye, kuyasimangalisa!’
Kodvwa sekusele sikhashana live lingabe lisangibona, noko nine niyawungibona, ngobe mine ngiphila, nani futsi niyawuphila.
Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.
Njengobe uYise anekuphila ngekwakhe, kanjalo uyiphile neNdvodzana kutsi ibe nekuphila ngekwayo.
Njengobe Babe lophilako angitfumile, nami ngiphila ngaBabe, kanjalo-ke lodla mine, uyawuphila ngami.
Ngobe nangabe kwatsi sisetitsa satfola kubuyisana naNkulunkulu ngekufa kweNdvodzana yakhe, kakhulu kanganani-ke nase sibuyisene naye siyawusindziswa ngekuphila kwayo.
Ngobe kute lomunye longabuye abeke lesinye sisekelo, ngaphandle kwaleso lesibekiwe lesinguJesu Khristu.
Mhlazana Khristu, lokuphila kwetfu, abonakaliswa, nani niyawubonakaliswa kanye naye ebukhosini bakhe.
kodvwa nahlengwa ngengati leligugu yeliWundlu lelinguKhristu, lelingenacala nalelingenasici.
Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.
Ngako-ke kini lenikholwako liligugu; kodvwa kulabo labangakholwa umBhalo utsi: “Lelitje lelaliwa bakhi seligucuke laba litje lekusimisa indlu.”
Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.
Ngaleyo ndlela siphiwe tetsembiso letiligugu naletikhulukati, kuze kutsi ngato nibe nenhlanganyelo nesimo sebuNkulunkulu, niphunyule ekubhujisweni kwelive lese lokheleke etinkhanukweni.