1 yaPhetro 1:24 - Siswati 1996 Bible

Ngobe umBhalo utsi: “Wonkhe umuntfu ufanana netjani; nebukhosi bakhe bunjengembali yesiganga; tjani buyabuna, nembali yabo iyahhohloka.

1 yaPhetro 1:24 Referencias Cruzadas

2 Emakhosi 19:26

Bantfu bawo baphelelwe ngemandla, badzangele, batselwa ngelihlazo. Bafanana netihlahla tesiganga, banjengemidvumba leluhlata yemahlumela, emahlumela etjani lobusungula etikwetindlu, base bubhadliswa lilanga busamila.

Jobe 14:2

Ubhahela njengembali, bese uyabuna, akakhonsi, usheshe anyamalale njengesitfunti.

Tihlabelelo 102:4

Inhlitiyo yami ihashukile yabuna njengetjani. Angisadli, nekudla akusangeni, ngobe inhlitiyo yami imnyama.

Tihlabelelo 103:15

Emalanga emuntfu anjengetjani, uyabhahela njengembali yesiganga.

Tihlabelelo 129:6

Shangatsi bangafanana netjani lobumila etikwetindlu, bubune busengakakhuli.

Tihlabelelo 37:2

Ngobe phela lababi bayawusheshe bashate njengetjani, babune njengembuya.

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Tihlabelelo 90:5

Bantfu ubakhukhula njengesihlambi semanti, baphele njengebutfongo, ekuseni bakhula njengeluhlata:

Tihlabelelo 92:7

kutsi nome lababi bangahluma njengetjani, nato tonkhe tigilamkhuba tichuma, noko tiyawubhujiswa phakadze naphakadze.

Isaya 51:12

“Mine, mine ngekwami, nginguye lonidvudvutako. Benibobani-ke nine kutsi ningesaba bantfu lababhubhako, emadvodzana ebantfu, latjani nje,

Matewu 6:30

Kodvwa nangabe Nkulunkulu abembatsisa kangaka tjani besiganga, lobuphilako lamuhla, kusasa bushe, akayiwunembatsisa kakhulu yini nine leninekukholwa lokuncane?

YaJakobe 4:14

Ningakusho kanjani loko, njengobe ningalati likusasa lekuphila kwenu kutsi litawuba yini? Ngobe kuphila kwenu kunjengenkhungu, lechamuka ibonakale sikhashana, iphindze inyamalale.

1 yaJohane 2:17

Live liyendlula netinkhanuko talo, kodvwa lowo lowenta intsandvo yaNkulunkulu, uyawuphila kuze kube phakadze.