Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.
1 yaPhetro 1:18 - Siswati 1996 Bible Nati kutsi nahlengwa ngani ekuhambeni kwenu lokwakulite, lenakunikwa bokhokho. Anihlengwanga ngetintfo letigugako njengesiliva negolide; |
Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.
Ungalibeki litsemba lakho ebudloveni, ningatilulati ngematsemba lalite nekugcekeza, nome ngabe ingcebo iyandza, ningatibeki tinhlitiyo tenu kuyo.
Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”
Ngobe naku lokushiwo nguSimakadze, utsi: “Watsengiswa ngelite, uyawuhlengwa ngaphandle kwemali.”
Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.
Ngalelo langa lesive kanye nebantfu baseJerusalema bayawutjelwa kutsiwe: “Umoya loshisako lochamuka etindzaweni letiphakeme tasehlane uhhusha ucondze kulesive sami, kodvwa hhayi kutewuhlunga nome kutewuhlambulula;
Nakanjani sitawukwenta konkhe lesitsite sitakwenta: Sitawutfuncisela imphepho kuyo iNkhosikati yeLizulu, sitfululele iminikelo yesinatfo kuyo, njengobe tsine nabobabe, nemakhosi etfu, netiphatsimandla tetfu tatenta emadolobheni akaJuda nasetitaladini taseJerusalema. Ngaleso sikhatsi sasinekudla lokunyenti kakhulu, sime kahle, singahlushwa lutfo.
Esikhundleni saloko, balandzele inkhani yetinhlitiyo tabo, balandzela boBhali, njengemfundziso yaboyise.”
Ngakhuluma kubantfwababo ehlane, ngatsi: “Ningatilandzeli timiso taboyihlo, futsi ningagcini nanemitsetfo yabo, nome nitingcolise ngetithico tabo.
Naku lokushiwo nguSimakadze, utsi: “Bantfu bakaJuda bone kwaze kwengca, ngaleso sizatfu ngingeke ngihlale ngingabajezisi. Bawulahlile umtsetfo waSimakadze, bangete batigcina timiso takhe, bedukiswe tithico, lekutithico letatikhontwa boyisemkhulu.
inkunzana, nesihhanca, nelizinyane lemvu lelidvuna lelinemnyaka munye budzala, kwaba kwemnikelo wekushiswa;
ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.
Nguye lowatinikela ngenca yetono tetfu, kuze kutsi ngentsandvo yaNkulunkulu longuBabe asephule kulesikhatsi lesibi.
Ngako-ke ngiyasho, ngifakaza eNkhosini ngitsi, ningabe nisahamba njengalabanye betive labanemicondvo lengacabangi.
Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.
Wangena kanye kwenela endzaweni lengcwelengcwele, angakaphatsi ingati yetimbuti neyematfole, kodvwa aphetse ingati yakhe lucobo, kungako nje asizuzela kuhlengwa kwaphakadze.
Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.
Ngobe lesikhatsi lesendlulile besenele kutsi nente lokutsandvwa ngemahedeni ngekuphila ngemanyala, nangetinkhanuko, nangekudzakwa, nangekumita, nangemsindvo, nangekukhonta tithico lokungakavumeleki.