Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.
1 yaJohane 3:5 - Siswati 1996 Bible Futsi niyati kutsi Jesu wabonakaliselwa kususa tono, nekutsi kute sono kuye. |
Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.
Mariya utakutala indvodzana uyetse libito utsi nguJesu, ngobe nguye loyakusindzisa bantfu bakhe etonweni tabo.”
Noko, setfu silungile, ngobe sitfola loko lokusifanele ngalesikwentile; kodvwa yena kute lakonile.”
Indvuna yelibutfo nayibona loko kwenteka, yabonga Nkulunkulu, yatsi: “Impela abelungile lomuntfu!”
Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!
Nami bengingamati, kodvwa kuze abonakaliswe ku-Israyeli, kwafanela ngite ngitewubhabhatisa ngemanti.”
Angisenakukhuluma kabanti nani, ngobe nangu umbusi walelive aseta, akanamandla etikwami.
Ngubani nje emkhatsini wenu longangilahla ngesono? Pho, aningikholwa ngani, nanginitjela liciniso?
Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.
Letsembekile, futsi lifanele kwemukelwa ngibo bonkhe lelivi lelitsi: Khristu Jesu weta emhlabeni kutawusindzisa toni, mine lengingulesikhulu kunato tonkhe.
Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.
Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.
LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.
LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.
Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.
Kube Khristu akangenanga kanye, bekuyawudzingeka kutsi ahlupheke kanyenti kusukela ekusekelweni kwendalo yonkhe. Kodvwa esikhundleni saloko, ubonakaliswe kwaba kanye, kwenela, ekugcineni kwetikhatsi, kuze asuse sono ngenhlawulo lenguye cobo lwakhe.
Kanjalo-ke naKhristu, asatinikele kanye kwetfwala tono talabanyenti, uyawubonakala ngekwesibili, asangaseteli sono, kodvwa asetele kuyawusindzisa labo labahlala bamlindzele.
Nati kutsi nahlengwa ngani ekuhambeni kwenu lokwakulite, lenakunikwa bokhokho. Anihlengwanga ngetintfo letigugako njengesiliva negolide;
Yena watinchanti, live lisengakasekelwa, kodvwa wabonakaliswa kuletikhatsi tekugcina ngenca yenu.
UmBhalo utsi ngaye: “Akazange asasente sono, nasemlonyeni wakhe akuzange sekuphume emanga.”
Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”
Khristu wafela tono tetfu, kwaba kanye, kwenela. Yena lolungile wafela labangakalungi, kuze animikise kuNkulunkulu. Wabulawa ngekwemtimba, kepha wavuswa ngaMoya waNkulunkulu.
Yena lowo Sokuphila wabonakaliswa kitsi, sambona, sifakaza ngaye, simemetela kini Sokuphila waphakadze. Nguye labeneYise; wabe sewubonakaliswa kitsi.
Kodvwa nasihamba ekukhanyeni, njengobe yena asekukhanyeni, sinebudlelwane lomunye nalomunye, nengati yaJesu, iNdvodzana yakhe, iyasihlanta kuko konkhe kona.
Bantfwabami, nginibhalela loku khona ningetikona; kodvwa nangabe kukhona lotfuke enta sono, tsine sineMmeli kuYise, Jesu Khristu lolungile,
Nanati kutsi ulungile, ningahlala nineliciniso lekutsi wonkhe lowenta kulunga, utelwe nguye.
Umuntfu lowonako waSathane, ngobe Sathane wona kusukela ekucaleni. Kodvwa iNdvodzana yaNkulunkulu yetela kona loko, kucitsa imisebenti yaSathane.
nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,