1 yaJohane 3:23 - Siswati 1996 Bible

Naku lasiyala ngako: kutsi sikholwe egameni leNdvodzana yakhe lenguJesu Khristu bese siyatsandzana, njengobe asiyala.

1 yaJohane 3:23 Referencias Cruzadas

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Matewu 22:39

Wesibili ufanana nawo utsi: ‘Ubotsandza makhelwane wakho, njengobe utitsandza wena.’

Makho 9:7

Kwefika lifu labambonya, kwevakala livi liphuma efini litsi: “Lena yiNdvodzana yami letsandzekako, yilaleleni.”

Johane 1:12

Kepha bonkhe labamemukela, ngekukholwa egameni lakhe, wabapha emandla ekutsi babe bantfwana baNkulunkulu.

Johane 13:34

Ngininika umyalo lomusha wekutsi: Njengobe nami nginitsandzile, nani tsandzanani.

Johane 14:1

“Inhlitiyo yenu ingakhatsateki, kholwani nguNkulunkulu nikholwe nangimi.

Johane 15:12

Nankhu umyalo wami: ‘Tsandzanani, ngengobe nami nginitsandzile.’

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Johane 2:23

Kwatsi ngesikhatsi aseJerusalema ngeMkhosi weliPhasika, bantfu labanyenti bakholwa nguye ngekubona tibonakaliso takhe latenta.

Johane 3:18

“Lokholwa kuyo akalahlwa ngelicala, kodvwa longakholwa vele sewulahliwe, ngobe angakholwa egameni leNdvodzana yaNkulunkulu lekukuphela kwayo.

Johane 6:29

Jesu wabaphendvula watsi: “Umsebenti waNkulunkulu kutsi nikholwe nguye lamtfumile.”

Imisebenti yebaPhostoli 16:31

Bona batsi: “Kholwa eNkhosini Jesu, utawusindziswa, wena nendlu yakho.”

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

1 kubaseThesalonika 4:9

Macondzana nelutsandvo lwebuzalwane asikho sidzingo sekunibhalela ngaloko, ngobe Nkulunkulu sewunifundzisile kutsi nifanele nitsandzane njani.

1 kuThimothi 1:15

Letsembekile, futsi lifanele kwemukelwa ngibo bonkhe lelivi lelitsi: Khristu Jesu weta emhlabeni kutawusindzisa toni, mine lengingulesikhulu kunato tonkhe.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

1 yaPhetro 4:8

Ngetulu kwako konkhe hlalani nitsandzana, ngobe lutsandvo lusibekela tono letinyenti.

1 yaJohane 2:7

Batsandzekako, anginibhaleli wona umyalo lomusha kodvwa wona lowo lomdzala lenawuva kusukela ekucaleni. Lomyalo lomdzala livi lenaliva.

1 yaJohane 3:11

Lona ngumyalo lenawuva kusukela ekucaleni kutsi kufanele sitsandzane.

1 yaJohane 4:15

Lowo lovuma kutsi Jesu uyiNdvodzana yaNkulunkulu, Nkulunkulu uhlala kuye, naye uhlala kuNkulunkulu.

1 yaJohane 4:21

Sinemyalo lasinika wona Khristu kutsi umuntfu lotsandza Nkulunkulu ufanele kutsandza nemzalwane wakhe futsi.

1 yaJohane 5:13

Nginibhalela loku nine, lenikholwa egameni leNdvodzana yaNkulunkulu, kuze nati kutsi ninekuphila lokuphakadze.