1 yaJohane 1:2 - Siswati 1996 Bible

Yena lowo Sokuphila wabonakaliswa kitsi, sambona, sifakaza ngaye, simemetela kini Sokuphila waphakadze. Nguye labeneYise; wabe sewubonakaliswa kitsi.

1 yaJohane 1:2 Referencias Cruzadas

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 1:4

Nguye labengumtfombo wekuphila, naloko kuphila bekukukhanya kwebantfu bonkhe.

Johane 10:28

Ngitinika kuphila lokuphakadze, futsi tingeke tisabhubha naphakadze, kute nalongatihlwitsa esandleni sami.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

Johane 15:27

nani futsi nibofakazi bami, ngobe benisolo ninami kusukela ekucaleni.

Johane 16:28

Ngaphuma kuBabe ngeta emhlabeni; manje sengiyawushiya futsi lomhlaba, sengibuyela kuBabe.”

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Johane 17:5

Manje-ke, Babe, ngikhatimulise kuwe ngaleyo nkhatimulo lenganginayo ngisenawe, umhlaba ungakasekelwa.

Johane 19:35

Lona lowakubona loko wafakaza ngako. Siyati futsi kutsi loko labekusho kuliciniso, futsi naye uyati kutsi ukhuluma liciniso, kuze nani nitewukholwa.

Johane 21:14

Loku-ke bese kukwesitsatfu Jesu atibonakalisa kubafundzi bakhe emvakwekuvuka kwakhe kulabafile.

Johane 3:13

Kute lowase wenyukela ezulwini ngaphandle kweNdvodzana yeMuntfu, leyehla ezulwini.

Johane 7:29

Kodvwa mine ngiyamati yena, ngobe ngiphuma kuye, nguye longitfumile.”

Johane 8:38

Mine ngikhuluma ngaloko lengikubone kuBabe, nani-ke nenta loko lenikutjelwe nguyihlo.”

Imisebenti yebaPhostoli 1:22

kusukela embhabhatisweni waJohane kuze kube lilanga lekutsatfwa kwakhe emkhatsini wetfu, abe ngufakazi kanye natsi ngekuvuka kweNkhosi Jesu.”

Imisebenti yebaPhostoli 10:41

noko akabonwanga ngabo bonkhe bantfu, kodvwa ngitsi kuphela lesibofakazi, tsine lesasivele sikhetfwe nguNkulunkulu. Sadla sanatsa naye ngemuva kwekuvuswa kwakhe nguNkulunkulu ekufeni.

Imisebenti yebaPhostoli 2:32

“Yena loJesu, Nkulunkulu wamvusa ekufeni, sonkhe sibofakazi balendzaba.

Imisebenti yebaPhostoli 3:15

Ngako nabulala uMtfombo Wemphilo. Kodvwa Nkulunkulu wamvusa kulabafile, tsine-ke sibofakazi baloko.

Imisebenti yebaPhostoli 5:32

Sibofakazi baletintfo tsine naMoya Longcwele, losipho saNkulunkulu kulabo labamlalelako.”

KubaseRoma 8:3

Loko-ke lokwehlula umtsetfo ngenca yebutsakatsaka besimo semvelo yemuntfu, Nkulunkulu wakwenta: Ngenca yesono watfumela iNdvodzana yakhe, leyeta ngesimo semuntfu lesonakele, kwatsi ngayo wehlulela sono ebantfwini,

KubaseGalathiya 4:4

Kodvwa kwatsi sikhatsi sesifike ngalokuphelele Nkulunkulu watfumela iNdvodzana yakhe leyatalwa ngumfati, yakhula ingephansi kwemtsetfo,

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

2 kuThimothi 1:10

kepha nyalo sewembulwe ngekubonakaliswa kweMsindzisi wetfu Khristu Jesu lowakucitsa kufa; kuphila nekungabhubhi wakuletsa ekukhanyeni ngeliVangeli.

kuThithusi 1:2

Futsi ngitfunyelwe nekubaholela etsembeni lekuphila lokuphakadze, lekwatsi umhlaba ungakasekelwa kwetsenjiswa nguNkulunkulu longawacali emanga.

1 yaPhetro 5:1

Ngako ngiyabancenga babonisi labasemkhatsini wenu, njengobe nami ngingumbonisi kanye nabo, ngingufakazi wetinhlupheko taKhristu, nemhlanganyeli ebukhosini lobutakwembulwa, ngitsi:

1 yaJohane 1:1

Lowo labekhona kusukela ekucaleni, lesamuva, nalesambona ngemehlo etfu, sambuka, samphatsa ngetandla tetfu bekunguLivi lekuphila.

1 yaJohane 2:25

Nguleso-ke setsembiso Khristu lasinika sona: kuphila lokuphakadze.

1 yaJohane 3:5

Futsi niyati kutsi Jesu wabonakaliselwa kususa tono, nekutsi kute sono kuye.

1 yaJohane 3:8

Umuntfu lowonako waSathane, ngobe Sathane wona kusukela ekucaleni. Kodvwa iNdvodzana yaNkulunkulu yetela kona loko, kucitsa imisebenti yaSathane.

1 yaJohane 4:14

Tsine sitibonele, sifakaza kutsi uYise utfumele iNdvodzana yakhe kutsi itewuba nguMsindzisi welive.

1 yaJohane 4:2

Moya waNkulunkulu niyawumati ngaloku: Wonkhe umoya lovumako kutsi Jesu Khristu wefika waba ngumuntfu, yena unguMoya waNkulunkulu.

1 yaJohane 5:11

Bufakazi ngulobu kutsi Nkulunkulu wasinika kuphila lokuphakadze, nalokuphila kuseNdvodzaneni yakhe.

1 yaJohane 5:13

Nginibhalela loku nine, lenikholwa egameni leNdvodzana yaNkulunkulu, kuze nati kutsi ninekuphila lokuphakadze.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.