1 Samuweli 9:6 - Siswati 1996 Bible

Kodvwa lesisebenti saphendvula satsi: “Ase ubuke la, kulelidolobha kunemuntfu waNkulunkulu, uhlonishwa kakhulu, konkhe lakushoko kuba liciniso, futsi kwenteke. Asambe siye khona nyalo. Mhlawumbe angahle asitjele kutsi kufanele sibheke ngakuphi.”

1 Samuweli 9:6 Referencias Cruzadas

Genesisi 24:42

“Nangifika esicojeni lamuhla, ngitsite: ‘Simakadze, Nkulunkulu wenkhosi yami, Abrahama, nakuyintsandvo yakho, ngiphumelelise kuloluhambo lwami.

2 Samuweli 15:27

Inkhosi yaphindze yakhuluma kuSadoki, umphristi, yatsi: “Awusiye yini umboniswa? Ncandzeka ngekuthula wena na-Ahimasi, naJonathani, umsa wa-Abiyatha, nibuyele edolobheni. Wena na-Abiyatha tsatsani lamadvodzana enu omabili, nihambe nawo.

1 Emakhosi 13:1

Ngelivi laSimakadze kwefika umuntfu waNkulunkulu eBetheli aphuma kaJuda, Jerobowamu aseme eceleni kwelilati kutekwenta umhlatjelo.

2 Emakhosi 5:8

Watsi kube Elisha, umuntfu waNkulunkulu, eve kutsi inkhosi iklebhule tingubo tayo, watfumela umlayeto watsi: “Utiklebhuleleni tingubo takho? Letsa lowo muntfu lapha kimi, futsi yena utawukwati kutsi kukhona umphrofethi ka-Israyeli!”

2 Emakhosi 6:6

Elisha wabuta watsi: “Liwelephi?” Watsi kube amkhombise lapho liwele khona, Elisha wagawula lutsi walujika lapho beliwele khona, lizembe lakhuphuka, lantanta.

Tihlabelelo 25:12

Ngubani lowesaba Simakadze? Lowo uyawumfundzisa leyo ndlela, lekhetselwe yena.

Isaya 44:26

Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’

Matewu 24:35

Lizulu nemhlaba kuyakwendlula, kodvwa emavi ami wona angeke endlule.”

Dutheronomi 33:1

Lesi sibusiso Mosi, umuntfu waNkulunkulu, labusisa ngaso ema-Israyeli ngaphambi kwekufa kwakhe.

1 kubaseThesalonika 2:10

Nine naNkulunkulu nibofakazi betfu bekutsi indlela lesasitiphetse ngayo emkhatsini wenu nine labakholwako yayingcwele, ilungile ingenasici.

1 kubaseThesalonika 5:13

Bahlonipheni ngelutsandvo lolukhulu ngenca yemsebenti wabo. Hlalisanani ngekuthula.

1 kuThimothi 6:11

Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.

1 Samuweli 2:27

Kwefika umuntfu waNkulunkulu ku-Eli, watsi: “Naku lokushiwo nguSimakadze, utsi: ‘Angizange yini ngitibonakalise ngalokucacile endlini yeyihlo Aroni ngesikhatsi baseseGibhithe, basabuswa yindlu yakaFaro?

1 Samuweli 9:8

Sisebenti samphendvula futsi, satsi: “Ase ubuke, ngineluhlavu lwesiliva lolungemagremu langaba matsatfu. Ngitalunika lomuntfu waNkulunkulu, khona atesitjela kutsi singatsatsa yiphi indlela.”