1 Samuweli 7:10 - Siswati 1996 Bible

Samuweli watsi asanikela ngemhlatjelo, emaFilisti asondzela atewuhlasela ema-Israyeli. Kodvwa ngalelo langa Simakadze wadvuma kakhulu njengelitulu kumaFilisti, wawenta asangana embikwema-Israyeli, aze acoshwa.

1 Samuweli 7:10 Referencias Cruzadas

Tihlabelelo 18:15

Kujula kwetilwandle kwenekeka ebaleni, tisekelo temhlaba tembuleka, ngenca yekutsetsa kwakho, Simakadze, nangenca yekufutsa kwemakhala akho.

Tihlabelelo 29:3

Liphimbo laSimakadze lisetikwemanti, Nkulunkulu weludvumo uyadvuma, Simakadze usetikwemanti lamanyenti.

Tihlabelelo 29:4

Liphimbo laSimakadze linemandla. Liphimbo laSimakadze linebukhosi.

Tihlabelelo 78:66

Watehlula watihlehlisela nyova titsa takhe, watitsela ngelihlazo laphakadze.

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Dutheronomi 28:7

“Simakadze uyakwenta kutsi titsa tenu letinivukelako nitehlule. Tiyawuviva titenihlasela, tita ngayinye indlela; kodvwa nase niticosha, tiyawubaleka ngetindlela letisikhombisa.

Joshuwa 10:10

Simakadze wabatsela ngeluvalo, besaba ema-Israyeli. Ema-Israyeli awehlula ema-Amori, awancoba ngelusiko lwenkemba emphini yaseGibeyoni, abacosha abenyusa ngendlela yaseBhethi Horoni, abaphetse abagwaza kwaze kwabase-Azekha, naseMakheda.

Tikhulu 4:15

Kwatsi ekuhlaseleni kwaBharaki Simakadze wasanganisa wabhubhisa Sisera kanye netincola takhe temphi, nemabutfo akhe, ngelusiko lwenkemba. Sisera washiya incola yakhe, wabaleka ngetinyawo.

Tikhulu 5:20

Esibhakabhakeni tinkhanyeti talwa, yebo, tisagijima ngemivila yato, talwa naSisera.

Tikhulu 5:8

Nabakhetsa bonkulunkulu labasha, kwefika imphi emasangweni emadolobha; kwabate lihawu nesikhali lokwabonakala kulabati-40 000 baka-Israyeli.

1 Samuweli 12:17

Akusiso sikhatsi sekuvuna kolo yini nyalo? Ngitawubita Simakadze atfumele kudvuma nemvula. Nitawube seniyabona-ke kutsi nenta intfo lembi kangakanani emehlweni aSimakadze ngalokutsi niticelele inkhosi.”

1 Samuweli 14:15

Kutfutfumela kwahlasela onkhe emabutfo labesenkambu nalawo labesesigangeni, nalawo labesetichemeni kanye nalawo labehlasela, umhlaba watamatama. Lokutfutfumela kwaba shangatsi kutfunyelwe nguNkulunkulu.

1 Samuweli 2:10

Labo labamelene naSimakadze bayawuphihlika babe timvutfu. Uyawudvuma etikwabo asezulwini lakhe. Simakadze uyakwehlulela imikhawulo yonkhe yemhlaba. Inkhosi yakhe uyawuyinika emandla, aphakamise emandla alogcotjiwe wakhe.”

1 Samuweli 7:11

Emadvodza aka-Israyeli aphuma eMispa acosha lamaFilisti, awagwaza, awabulala yonkhe indlela, aze efika entansi neBhethi Khari.