1 Samuweli 5:4 - Siswati 1996 Bible Kodvwa kwatsi nabavuka ngakusasa, bakhandza kutsi Dagoni uwele phansi ngebuso embikwelibhokisi lesivumelwane saSimakadze! Inhloko yakhe netandla takhe kwakushumphukile sekuphansi emnyango, kwase kungumtimba wodvwa lowawusele. |
Ngaloku-ke licala lakaJakobe liyawube selihlawulelwe, loku kuyawuba sitselo lesiphelele sekwesulwa kwesono sakhe: Ngesikhatsi enta onkhe emalati ematje, kutsi abe njengematje emcakaco, aphushuke abe timvutfu, kute nayinye insika ya-Ashera nome lilati lemphepho leliyawusala limile.
Umuntfu lomphofu lowehluleka kunikela ngeminikelo lenjena, ukhetsa lukhuni lolungaboli kalula. Utifunela ingcweti yembumbi lohlakaniphile itemmisela sithico lesingeke siwe.
“Batjele naku: ‘Labonkulunkulu labangazange sebalibumbe lizulu nemhlaba, batawubhubha baphele emhlabeni, ngisho nangaphansi kwemazulu.’ ”
Bonkhe abanangcondvo, futsi abanalwati, bonkhe babumbi betegolide bahlazekile ngetithico tabo. Titfombe tabo tiyinkhohliso, atinamphefumulo.
Atinamsebenti walutfo, tintfo nje tekuhlekisa, kuyawutsi nakufika kwehlulelwa kwato, tibhubhe.
“Memetelani nikhulume emkhatsini webetive, phakamisani siboniso semphi, nimemetele, ningafihli lutfo, kodvwa tsanini: ‘IBhabhulona itawutfunjwa, Bheli utawuhlazeka, Maduki yena agcwale kwesaba. Titfombe tayo tiyawuhlazeka netithico tayo tigcwale kwesaba.’
Uyawutfumba bonkulunkulu babo, netitfombe tabo tetinsimbi, netimphahla tabo letingemagugu tesiliva netegolide, atetfwale aye nato eGibhithe. Kuyawuba sikhatsi lesidze ayiyekele inkhosi yasenyakatfo atimele yedvwa.
Tonkhe tithico talo letiligugu ngiyakutifohlota tibe ticucu, nako konkhe lokunikwe tingwadla telithempeli kubhujiswe ngemlilo, bese kutsi tonkhe tithico letibatiwe kube libibi lesiganga. Konkhe loku iSamariya ikucokelele ngemali leyitfole ngebugwadla bayo ethempelini, ngako titsa tayo titakwetfwala tikuyise lapho kuyawubhadala bugwadla khona.”
Bumbani imifanekiso yematfumba enu neyemagundvwane lekungatsi abhubhise lelive, nimnike ludvumo Nkulunkulu wema-Israyeli. Mhlawumbe uyakusiphakamisa sandla sakhe lesimatima etikwenu, nasetikwabonkulunkulu benu, nasetikwelive lenu.