Emvakwesikhatsi Davide wabuta kuSimakadze, watsi: “Kufanele yini ngenyuke kuyawutsatsa lelinye lalamadolobha akaJuda?” Simakadze watsi: “Yenyuka.” Davide wabuta watsi: “Kufanele ngiye kuphi?” Simakadze wamphendvula watsi: “EHebroni.”
1 Samuweli 23:4 - Siswati 1996 Bible Davide waphindza futsi wabutisisa kuSimakadze. Simakadze wamphendvula watsi: “Yehla uye eKheyila, ngobe emaFilisti ngiwanikela esandleni sakho.” |
Emvakwesikhatsi Davide wabuta kuSimakadze, watsi: “Kufanele yini ngenyuke kuyawutsatsa lelinye lalamadolobha akaJuda?” Simakadze watsi: “Yenyuka.” Davide wabuta watsi: “Kufanele ngiye kuphi?” Simakadze wamphendvula watsi: “EHebroni.”
Ngako Davide wabuta kuSimakadze, watsi: “Kufanele yini ngihambe kuyawuhlasela lamaFilisti? Utawanikela yini esandleni sami?” Simakadze wamphendvula watsi: “Yebo, hamba, ngobe nakanjani emaFilisti ngitawanikela esandleni sakho.”
Loku yintfo lemalula kabi emehlweni aSimakadze, kantsi futsi naMowabi utamnikela etandleni tenu.
Ngako Davide wabuta kuNkulunkulu, watsi: “Kufanele yini ngihambe kuyawuhlasela lamaFilisti? Utakuwanikela yini esandleni sami?” Simakadze wamphendvula watsi: “Yebo, hamba, ngobe ngitawanikela esandleni sakho.”
nine bese niyavuka ngemva kwabo nilitsatse lelidolobha. Simakadze Nkulunkulu wenu utalinikela etandleni tenu.
Gideyoni wakhuluma kuNkulunkulu, watsi: “Ungangitfukutseleli. Ase ngente lesinye sicelo. Ngivumele ngente lesinye siciniseko ngaloboya. Kwamanje yenta loboya bome, bese kutsi lomhlabatsi loseceleni kwabo ube nematolo.”
Simakadze wakhuluma kuGideyoni, watsi: “Ngalamadvodza langema-300 lanatse ngekucapha ngitanisindzisa, nginikele emaMidiyani etandleni takho. Hambisa onkhe lawa lamanye emadvodza, ngulowo nalowo abuyele kubo.”
Kubo lobo busuku Simakadze wakhuluma kuGideyoni, watsi: “Vuka, wehlele enkambu, ngobe ngitayinikela esandleni sakho.
Ngako baphindza babutisisa kuSimakadze, batsi: “Kungabe lomuntfu sewufikile yini lapha?” Simakadze wabaphendvula watsi: “Yebo, sewufikile, mane ubhace emkhatsini wemitfwalo.”
Davide wabuta kuSimakadze watsi: “Ngihambe yini ngiyewuhlasela lamaFilisti?” Simakadze wamphendvula watsi: “Hamba uyewuhlasela emaFilisti, usindzise iKheyila.”
Kodvwa emadvodza aDavide akhuluma kuye, atsi: “Lapha kaJuda siyesaba, kangakanani-ke nase sisukela iKheyila siyewuhlaselana nemabutfo emaFilisti.”
Ngako Davide nemphi yakhe behlela eKheyila, bahlasela emaFilisti bawabulala, batfumba netifuyo tawo. Davide wabasindzisa kanjalo bantfu baseKheyila.
Sawula wase ubuta kuSimakadze, kodvwa Simakadze akazange amphendvule ngisho nangemaphupho, nome nge-Urimu, nome ngebaphrofethi.
Davide wabuta kuSimakadze watsi: “Ngibacoshe yini labatfumbi? Ngitabakhandza yini?” Simakadze watsi: “Bacoshe, utabakhandza nome kanjani, futsi utawukhona kukubuyisa loku labakutfumbile.”