1 Samuweli 22:7 - Siswati 1996 Bible

Sawula wakhuluma kuto watsi: “Lalelani, madvodza akaBhenjamini! Indvodzana yaJese itaninika nonkhe yini emasimi netivini? Itanenta nonkhe yini kutsi nibe tindvuna tetinkhulungwane netindvuna temakhulu?

1 Samuweli 22:7 Referencias Cruzadas

2 Samuweli 18:1

Davide wabutsela onkhe lamadvodza akakhe ndzawonye, wase uwehlukanisa tigaba ngetigaba, lamanye aba tinkhulungwane, lamanye aba ngemakhulu, wase uwabekela tindvuna tawo njengekwetigaba tawo.

2 Samuweli 20:1

Lesinye sichomoketi lesasikhona lapho bekunguSheba, umsa waBikri, wesive sakaBhenjamini. Sona-ke sesuke sashaya impalampala samemetela satsi: “Asinasabelo kuDavide! Ngeke silandzele umsa waJese! Madvodza aka-Israyeli, asambeni emakhaya!”

1 Emakhosi 12:16

Sonkhe sive sema-Israyeli satsi kube sibone kutsi inkhosi ayisilaleli sicelo saso, sakhuluma enkhosini satsi: “Sinabudlelwane buni naDavide? Sinasabelo sini nemsa waJese? Emathendeni enu, ma-Israyeli! Tibone kucedza, wena mndeni waDavide!” Ngako ema-Israyeli esuka lapho abuyela emathendeni awo.

1 Tikhronike 12:16

Lamanye emadvodza akaBhenjamini newakaJuda eta kuDavide enqabeni yakhe.

Isaya 11:1

Kuyawuhluma lihlumela esiphuntini sakaJese; ligala lelimila etimphandzeni takhe liyawutsela titselo.

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

1 Samuweli 18:14

Kuko konkhe labekwenta Davide abeba nemphumelelo, ngobe Simakadze abenaye.

1 Samuweli 20:27

Kodvwa ngelilanga lelilandzelako, lilanga lesibili kuleyo nyanga, lendzawo yaDavide yaphindze yabate umuntfu lohlala kuyo. Sawula wase ubuta kuJonathani, umsa wakhe, watsi: “Kwentiwe yini kutsi umsa waJese angeti kutakudla, itolo nalamuhla?”

1 Samuweli 20:30

Sawula watfukutselela Jonathani kamatima, waze wamkhahlameta, watsi: “Wena ndvodzana yemfati lolihlongandlebe nalosihlubuki! Utsi angati yini kutsi wena sewukhetse kuhambisana nemsa waJese, kwaze kwaba lihlazo kuwe nakunyoko lowakutala?

1 Samuweli 22:13

Sawula watsi kuye: “Ningibopheleleni lisu wena nendvodzana yaJese, ngekutsi umnike sinkhwa nenkemba, waze wambutela nakuNkulunkulu, kuze amelane nami, angilalele endleleni, njengobe enta lamuhla?”

1 Samuweli 22:9

Kodvwa Dowegi, um-Edomu, labeme kanye netindvuna taSawula, watsi: “Ngiyibonile indvodzana yaJese iya eNobi ku-Ahimeleki, umsa wa-Ahitubi.

1 Samuweli 25:10

Nabali waphendvula letinceku taDavide, watsi: “Ngubani yena loDavide? Ngubani yena lomsa waJese? Tigcili letinyenti tibalekela baphatsi bato kulamalanga.