1 Samuweli 2:6 - Siswati 1996 Bible

Simakadze uyabulala, aphindze aphilise. Wehlisela phansi emadlizeni, aphindze akhuphulele ngetulu.

1 Samuweli 2:6 Referencias Cruzadas

1 Emakhosi 17:22

Simakadze wakuva kukhala kwa-Elija, umphefumulo wemfana wabuyela kuye, waphila.

2 Emakhosi 5:7

Yatsi kube inkhosi yaka-Israyeli iyifundze lencwadzi, yaklebhula tingubo tayo, yatsi: “Mine nginguNkulunkulu yini? Nginawo yini emandla ekubulala nekuphilisa? Lomuntfu uyitfumeleleni lapha kimi lenceku yakhe kutsi ngitekuyiphilisa kulobulephelo bayo? Niyabona-ke kutsi ufuna kususa imphi alwe nami!”

Jobe 5:18

Ngobe yena nome angamilisa tilondza, uphindze atipholise, uyalimata aphindze aphilise ngetandla takhe.

Tihlabelelo 116:3

Tingibe tekufa tangitungeleta, iminjunju yekufa yangihlasela, ngabandzetelwa tinhlupheko nelusizi.

Tihlabelelo 30:4

Nine labangcwele bakhe, hlabelani nidvumise Simakadze, nibonge libito lakhe lelingcwele.

Tihlabelelo 68:20

Nkulunkulu, longuNkulunkulu wetfu, unguNkulunkulu wensindziso, emandla ekubalekela kufa ngewaSimakadze iNkhosi.

Tihlabelelo 71:20

Nguwe lowentile kutsi ngibone tinsizi letinyenti naletibuhlungu, wangihlumelelisa futsi; wabuye wangimonyula ekujuleni kwemhlaba, wangikhiphela ngetulu kwawo.

Umshumayeli 3:3

sikhatsi sekubulala nesikhatsi sekuphilisa, sikhatsi sekubhidlita nesikhatsi sekwakha,

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Hezekeli 37:12

Ngako-ke phrofetha, utsi kubo: ‘Naku lokushiwo yiNkhosi Simakadze, itsi: Awu, sive sami, ngitawugwabula emadliza enu, nginikhiphe kuwo; ngiyawunibuyisela eveni lenu laka-Israyeli.

Hezekeli 37:3

Wangibuta watsi: “Ndvodzana yemuntfu, lamatsambo angaphila yini?” Ngatsi mine: “Awu, Nkhosi, Simakadze, nguwe wedvwa lowatiko.”

Matewu 12:40

Njengobe naJona ahlala emalanga lamatsatfu nebusuku lobutsatfu esiswini semkhoma, kanjalo futsi neNdvodzana yeMuntfu iyawuhlala emalanga lamatsatfu nebusuku lobutsatfu ematfunjini emhlaba.

Johane 11:25

Jesu watsi kuye: “Mine ngikuvuka nekuphila, lokholwa ngimi, nome angafa, uyawuphila.

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.

1 Samuweli 20:3

Kodvwa Davide wenta sifungo, watsi: “Uyihlo uyati kutsi wena ungitsandza kanganani, waze watsi: ‘Jonathani akufanele akwati loku, ngobe angaphatseka kabi.’ Noko ngifunga ngekuphila kwaSimakadze nangekwakho kutsi sinye sinyatselo kuphela lesisemkhatsini wami nekufa.”