1 Samuweli 18:14 - Siswati 1996 Bible

Kuko konkhe labekwenta Davide abeba nemphumelelo, ngobe Simakadze abenaye.

1 Samuweli 18:14 Referencias Cruzadas

Genesisi 39:23

Umgcinijele akazange aphindze ahlupheke ngaloko lokwakungaphansi kwesandla saJosefa, ngobe Simakadze abenaye, futsi konkhe labekwenta Josefa Simakadze abekuphumelelisa.

2 Samuweli 5:10

Wachubeka waba nemandla kakhulu, ngobe Simakadze Nkulunkulu longuSomandla abenaye.

2 Emakhosi 18:7

Simakadze waba naye, wamphumelelisa kuko konkhe labekwenta. Wayivukela inkhosi yase-Asiriya wangete wayihlehlela.

1 Tikhronike 18:13

Wase umisa tinkambu temasotja kulaka-Edomu. Onkhe ema-Edomu ase aba ngaphansi kwaDavide. Simakadze wapha Davide kuncoba nome ngukuphi lapho ahlasela khona.

1 Tikhronike 18:6

Davide wase umisa tinkambu temabutfo embusweni wemaSiriya eDamaseko. EmaSiriya ase aba bantfu baDavide, atsela kuye. Simakadze wapha Davide kuncoba nome ngukuphi lapho ahlasela khona.

2 Tikhronike 17:3

Simakadze abenaJehoshafati, ngobe abehamba etindleleni taDavide, uyise, labehamba kuto ebusheni bakhe. Akazange abute indlela kuboBhali,

Tihlabelelo 101:2

Angicaphelisise kuhamba ngendlela yebucotfo. Uyawuze ufike nini kimi? Ngiyawuhamba ngimsulwa endlini yami.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Imisebenti yebaPhostoli 18:10

ngobe nginawe, futsi kute umuntfu lotakuhlasela akulimate, ngobe nginebantfu bami labanyenti kulelidolobha.”

Joshuwa 6:27

Ngako Simakadze waba naJoshuwa kuko konkhe, ludvumo lwakhe lwandza nalo lonkhe live.

Tikhulu 1:19

Simakadze abenayo imphi yakaJuda. Yadla live letintsaba, kodvwa noko abakhonanga kucosha bantfu bakhona kulawo matsafa, ngobe bantfu bakhona babenetincola tetinsimbi.

1 Samuweli 10:7

Nase kwentekile konkhe loko, ubobe sewenta loko sandla sakho lesifinyelela kukwenta, ngobe Nkulunkulu unawe.

1 Samuweli 16:18

Lenye yetinceku yaphendvula yatsi: “Ngibone indvodzana yaJese waseBhetlehema lenelikhono ekudlaleni ihabhu. Uyindvodza lenesibindzi, futsi uyingwazi. Ukhuluma kahle futsi, ulikhwa, naSimakadze unaye.”

1 Samuweli 18:15

Sawula watsi nakabona kutsi uphumelela kanganani, wamesaba kakhulu.

1 Samuweli 19:8

Kwaphindze kwesuka imphi, naDavide waphuma wayakulwa nemaFilisti. Wawagadla kamatima, aze abaleka embikwakhe.

1 Samuweli 3:19

Simakadze waba naSamuweli asakhula, wangete wavumela ngisho nalinye livi lakhe kutsi liwele phansi.