“Ngako-ke, nkhosi yami, nangifika kubabe, inceku yakho, ngingeti naye lomfana, kantsi imphilo yakhe ibophene kangaka neyakhe,
1 Samuweli 18:1 - Siswati 1996 Bible Emvakwekuba Davide akhulume naSawula, Jonathani waba ngumoya munye naDavide, ngobe wamtsandza njengobe atitsandza yena. |
“Ngako-ke, nkhosi yami, nangifika kubabe, inceku yakho, ngingeti naye lomfana, kantsi imphilo yakhe ibophene kangaka neyakhe,
“Ngiyakukhalela, mnaketfu Jonathani, bewuligugu kimi! Lutsandvo lwakho kimi belumangalisa, lumangalisa kwendlula lwalabasikati.
Davide waphuma wayawubahlangabeta, wafike wakhuluma kubo, watsi: “Nangabe nite lapha kimi ngekuthula kutengisita, ngitimisele kutihlanganisa nani. Kodvwa nangabe nitele kutangitsengisa etitseni tami ngesikhatsi tandla tami tisakhululekile ekulweni, shangatsi Nkulunkulu wabobabe angakubona loko, bese uyanehlulela.”
Ngifundzise indlela yakho, Simakadze, ngiyawuhamba ecinisweni lakho; yenta inhlitiyo yami ihlose intfo yinye: kutsi ilesabe libito lakho.
Labanye bangani bayakuhlamuka; kodvwa labanye bangani basondzela kakhulu kwengca banakenu bengati.
“Nangabe umnakenu, nome indvodzana yakho, nome indvodzakati yakho, nome umkakho lomtsandzako, nome umnganakho lomkhulu akuwunga ngasense atsi: ‘Asambe siyewukhonta labanye bonkulunkulu,’ leningazange senibati nine naboyihlo,
Loko ngikwentela kutsi tinhlitiyo tabo tikhutsateke tidvudvuteke, bahlanganiswe babe munye elutsandweni, babe nekuciniseka konkhe kwekwati lokuphelele, bayati kahle imfihlakalo yaNkulunkulu lenguKhristu.
Ngako onkhe emadvodza aka-Israyeli abutsana ndzawonye, ahlangana aba yintfo yinye, ayawuhlasela lelidolobha.
Kodvwa lamadvodza akhuluma kuSawula, atsi: “Jonathani sekufanele afe, yena lona losindzise sive sema-Israyeli kangaka? Cha, ngeke! Setsembisa ngaSimakadze kutsi kute ngisho nelunwele lwenhloko yakhe lolutakuwela phansi emhlabatsini, ngobe loku lakwente lamuhla uphumelele ngekusitwa nguNkulunkulu.” Lamadvodza amsindzisa Jonathani, akazange abulawe.
Sawula wakhuluma kuJonathani, indvodzana yakhe, nakuto tonkhe tinceku takhe kutsi tibulale Davide. Kodvwa Jonathani abemtsandza kakhulu Davide,
ngako wecwayisa Davide, watsi: “Babe Sawula ufuna kukubulala. Ubocaphela kusasa ekuseni, ubohamba uyewuhlala emasitseleni, ubhace khona.
Jonathani waphindze wenta Davide kutsi asicinise kabusha sifungo sakhe sekutsi uyamtsandza, ngobe Jonathani abetsandza Davide njengobe atitsandza yena.
Wena kufanele ukhombise kungitsandza kwakho ngekugcina leso setsembiso lowasenta kimi embikwaSimakadze. Nangabe ngitfolakala nginelicala, ngibulale wena matfupha. Unginiketelelani kuyihlo?”
Kungabe nguloko yini lokunente nangibophela lifindvo? Kute namunye lowangitjela indvodzana yami nayenta sivumelwane nendvodzana yaJese. Kute namunye wenu lohluphekile ngami nalongitjelako kutsi indvodzana yami seyitsenge inceku yami kutsi ingilalele endleleni, njengobe yenta lamuhla.”
Bobabili base benta sivumelwane embikwaSimakadze. Jonathani wase uyancandzeka ubuyela ekhaya kubo, kodvwa Davide wasala, wahlala khona lapho eHoreshi.