1 Samuweli 17:18 - Siswati 1996 Bible

Tsatsa nanaba boshizi labalishumi, ufike unike lendvuna yabo lephetse lesicheme sabo semabutfo layinkhulungwane. Ubofike ubone bomnakenu kutsi banjani, ubuye nesiciniseko kutsi ubabonile.

1 Samuweli 17:18 Referencias Cruzadas

Genesisi 37:13

Israyeli wakhuluma kuJosefa, watsi: “Angitsi bomnakenu belusele eShekhemu? Kota-ke ngitekutfuma kubo.” Waphendvula watsi: “Kulungile, babe.”

Genesisi 37:14

Uyise watsi: “Hamba-ke uyewuhlola kutsi bomnakenu basekahle yini, nekutsi timvu tisaphephile yini, bese uyabuya-ke utengitjela.” Wamtfuma esuka esigodzini saseHebroni.

2 Samuweli 17:29

neluju lwetinyosi, nemasi, netimvu, nashizi lophuma elubisini lwetinkhomo, bakuletsela Davide kanye nebantfu bakakhe kutsi batekudla. Ngobe batsi: “Labantfu sebafile yindlala nakudzinwa, nekoma kwakulelihlane.”

Esta 2:11

Onkhe emalanga Modekhayi abevamise kutendlulisa lapha esihoncweni sesigodlo, afuna phela kutfola kahle kutsi Esta unjani nekutsi uphetfwe njani.

Jobe 10:10

Akusiwe yini lowangitfulula njengelubisi, wangiphehla njengelibhotela?

Eksodusi 18:7

Ngako Mosi waphuma wayakumhlangabeta, wafike wamkhotsamela, wamanga. Babutana imphilo, base bangena ethendeni laMosi.

Imisebenti yebaPhostoli 15:36

Emvakwesikhatsi Pawula watsi kuBhanabasi: “Asibuyele emuva sivakashele bazalwane kuwo onkhe emadolobha lapho sashumayela khona livi leNkhosi, sibone kutsi bachubeka njani.”

Tikhulu 18:15

Ngako base bayaphambukela, bangena endlini yalensizwa yemLevi leyayisekhaya kaMikha, bafike bayibingelela.

1 Samuweli 16:20

Ngako Jese, watsatsa imbongolo yakhe wayetfwesa tinkhwa netikhumbasikhwama letatigcwele liwayini, nelizinyane lembuti, wakutfumela kanye nendvodzana yakhe, Davide, kuSawula.

1 Samuweli 17:19

BanaSawula nawo onkhe emabutfo aka-Israyeli eSigodzini sase-Ela, balwa nemaFilisti.”

1 Samuweli 25:5

wase utfuma emajaha lalishumi, wakhuluma kuwo watsi: “Yenyukani niye kuNabali eKhameli, nifike nimbingelele egameni lami.

1 Samuweli 30:21

Davide waze wefika kulamadvodza langema-200, labesele emfudlaneni iBhesori ngenca yekutsi abesadzinwe kakhulu, aphuma ahlangabeta Davide nalaba lababenaye. Davide kanye nalaba abenabo wababingelela baseta nje.