1 Samuweli 13:9 - Siswati 1996 Bible

Sawula watsi: “Ngiletseleni umhlatjelo wekushiswa kanye nemnikelo wekuthula.” Sawula wanikela ngemnikelo wekushiswa.

1 Samuweli 13:9 Referencias Cruzadas

2 Samuweli 24:25

Davide wase wakha lilati kuSimakadze khona lapho, wenta iminikelo yekushiswa neyebudlelwane. Simakadze wase uyawuva umthandazo lowawentelwa lelo live, lesifo lesase sicedze sive sema-Israyeli sancamuka.

1 Emakhosi 3:4

Inkhosi yahamba yaya eGibeyoni yayawunikela ngemihlatjelo, ngobe leyo bekunguyona ndzawo lephakeme lemcoka. Solomoni-ke wanikela ngenkhulungwane yeminikelo yekushiswa kulelo lati.

Tihlabelelo 37:7

Thula embikwaSimakadze, umlindzele ngesineke. Ungahawukeli kumuntfu lonotsa ngebucili bakhe.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 20:22

Ungasho kutsi: “Ngitatiphindziselela ngalokubi;” tsembela kuSimakadze, yena utakulungiselela.

Taga 21:27

Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.

Taga 21:3

Kwenta kulunga nekungakhetsi kumjabulisa kakhulu Simakadze kunekumentela iminikelo yemihlatjelo.

Isaya 66:3

Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.

Dutheronomi 12:5

Kodvwa nine niyawufunisisa indzawo leyawukhetfwa nguSimakadze Nkulunkulu wenu leyawubasemkhatsini wato tonkhe tive tenu, lapho ayawubeka khona Libito lakhe, ahlale khona. Ngukuleyo ndzawo-ke lapho niyakuya khona,

Dutheronomi 12:6

nimikise iminikelo yenu yekushiswa nemihlatjelo, nekwelishumi kwenu, netipho tenu leto lenincume ngato kutsi nitatiletsa, neminikelo yenu yesihle kanye nematubulo enu etinkhomo netimvu.

1 Samuweli 14:18

Sawula wakhuluma ku-Ahiya, watsi: “Letsa libhokisi lesivumelwane saNkulunkulu.” Ngobe ngaleso sikhatsi lalisemkhatsini wesive sema-Israyeli.