1 Samuweli 12:3 - Siswati 1996 Bible

Manje ngime lapha, fakazani ngebubi bami lapha embikwaSimakadze nakulogcotjiwe wakhe. Ngubani lengake ngadla inkhabi yakhe? Ngubani lengake ngadla imbongolo yakhe? Ngubani lengake ngamdlelela? Ngubani lengake ngamcindzetela? Tabani tandla lengake ngemukela kuto umdizo kuze ngivale emehlo ami? Nakukhona lengake ngakwenta kwaloku, ngifuna kukulungisa.”

1 Samuweli 12:3 Referencias Cruzadas

2 Samuweli 22:22

ngobe imiyalo yaSimakadze ngiyigcinile. Angikenti lutfo lolubi, angikamfulatseli Nkulunkulu wami.

Nehemiya 5:11

Sheshani nibuyisele kubo emasimi abo, netivini tabo, netihlahla tabo tetitselo temincumo, netindlu tabo kanye nalentalo lenibabite yona, lekuyincenye yelikhulu yemali, neyekudla, neyeliwayini lelisha kanye neyemafutsa.”

Tihlabelelo 15:5

Webolekisa ngemali yakhe angayengeti intalo nase ikhishwa. Akakwemukeli kudizelwa entele kulahla lote licala. Umuntfu lowenta letintfo uyawuhlala atinte kuze kube phakadze.

Eksodusi 20:17

“Ungayihawukeli indlu yamakhelwane wakho. “Ungamhawukeli nemkakhe, nesisebenti sakhe lesidvuna nome lesisikati, netinkhomo takhe, netimbongolo takhe, nome yini lanayo.”

Eksodusi 22:4

“Nangabe lesilwane lelisebile lelisela sitfolakale kulo sisaphila, nome yimbongolo, nome yimvu, liyawukwenana ngalokuphindvwe kabili.

Eksodusi 23:8

Ungadizelwa, ngobe kudizelwa kwenta bantfu bavaleke emehlo bangete babone, kuphambukise labacotfo ekukhulumeni liciniso.

Taga 15:27

Umuntfu lofuna inzuzo ngendlela lembi uletsa kuhlupheka ekhaya lakhe; kodvwa umuntfu lotondza kudizelwa uyawuphila.

Levithikusi 6:4

uyawuba nelicala lekona. Kufanele abuyisele leyontfo layitfole ngekuyeba, nome layitfole ngebucili, nome layiniketiwe kutsi ayigcine, nome lebekulahlekile wakutfola,

Levithikusi 6:5

nome ngabe ufungele emanga, uyawukhokha inhlawulo lephelele, aphindze engete kwesihlanu ngetulu, akubuyisele kumnikati ngelilanga laletsa ngalo umnikelo wakhe welicala.

Numeri 16:15

Mosi watfukutsela wabila, watsi kuSimakadze: “Ungawemukeli umnikelo wabo. Angizange ngitsatse ngisho imbongolo kubo, futsi angikoni ngisho nome munye wabo.”

Matewu 22:21

Bamphendvula batsi: “KwaKhesari.” Ngako watsi kubo: “Yebo-ke, nikani Khesari lokukwaKhesari; ninike Nkulunkulu lokukwaNkulunkulu!”

Lukha 19:8

Zakewu wasukuma watsi eNkhosini: “Nkhosi, ngiyawukhipha incenye yalenginako ngenetise labaswele; futsi nakukhona lengimdlelele, ngitakubuyisela sekuphindvwe kane.”

Imisebenti yebaPhostoli 20:33

“Angizange ngifise isiliva negolide nome imphahla yemuntfu.

2 kubaseKorinthe 12:14

Sekwesitsatfu ngilungela kuta lapho kini. Ngingeke ngibe ngumtfwalo kini, ngobe angifuni kona lokukwenu, kodvwa ngifuna nine. Phela bantfwana akusibo labafanele kukhatsalela batali babo, kodvwa batali labafanele bakhatsalele bantfwababo.

Dutheronomi 16:19

Kufanele ningawephuli umtsetfo, futsi ningabakhetsi bantfu. Akukafaneli nemukele umdizo, ngobe uphumphutsekisa emehlo alabahlakaniphile, uphambukise nemavi alabalungile.

1 kubaseThesalonika 2:10

Nine naNkulunkulu nibofakazi betfu bekutsi indlela lesasitiphetse ngayo emkhatsini wenu nine labakholwako yayingcwele, ilungile ingenasici.

1 kubaseThesalonika 2:5

Tsine asizange sikhulume emagama ekuyenga, njengobe nani nati, asizange futsi sibe nebucili bekufisa bunjinga, Nkulunkulu ungufakazi.

1 yaPhetro 5:2

Yelusani umhlambi waNkulunkulu leniwuphetse, hhayi ngekucindzetelwa, kodvwa ngenhlitiyo levumako njengobe Nkulunkulu atsandza kutsi nente, hhayi ngekunaka inkhokhelo nje, kodvwa ngenshisekelo yekukhonta.

1 Samuweli 10:1

Samuweli wase utsatsa lichaga lelalinemafutsa, wawatsela enhloko yaSawula, wamanga, watsi: “Angitsi Simakadze ukugcobile kutsi ube ngumholi welifa lakhe?

1 Samuweli 12:4

Bantfu bamphendvula batsi: “Awuzange sewusidlelele, futsi awuzange sewusicindzetele. Kute namunye umuntfu lowake wemukela kuye umdizo esandleni sakhe.”

1 Samuweli 12:5

Samuweli wakhuluma kubo, watsi: “Simakadze ngufakazi lomelene nani, kantsi nalogcotjiwe wakhe ungufakazi lamuhla nje kutsi anikatfoli cala etandleni tami.” Nabo batsi: “Ungufakazi.”

1 Samuweli 2:35

Ngiyawutivusela mine umphristi lowetsembekile, loyawukwenta loko lokusenhlitiyweni yami nasengcondvweni yami. Ngiyakumakhela situkulwane lesicinile, uyawuhamba embikwalogcotjiwe wami phakadze naphakadze.

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.

1 Samuweli 24:6

Wakhuluma kulamabutfo akhe, watsi: “Simakadze akakutsandzi kutsi ngente intfo lenje enkhosini yami, lengulogcotjiwe waSimakadze, ngiphakamise sandla sami etikwayo, ngobe ingulogcotjiwe waSimakadze.”

1 Samuweli 24:7

Ngalawo mavi Davide wekhuta lamabutfo akhe, wawavimbela kutsi ahlasele Sawula. Sawula waphuma kulomhume, wahamba.

1 Samuweli 26:11

Kodvwa Simakadze akangavumi kutsi ngingabeka sandla sami etikwalogcotjiwe waSimakadze. Asitsatse lesikhali sakhe kanye nalelichaga lakhe lemanti lokusedvute nenhloko yakhe, sihambe.”

1 Samuweli 26:9

Kodvwa Davide wakhuluma ku-Abishayi, watsi: “Ungacali umbulale! Ngubani nje longabeka sandla kulogcotjiwe waSimakadze ajinge angabi nacala?