1 Samuweli 12:14 - Siswati 1996 Bible

Kuyawuba kuhle kini, naniyakumesaba Simakadze, nimkhonte yena, nimlalele, ningamelani nemiyalo yakhe, nangabe nine kanye nenkhosi yenu lebusa etikwenu niyawulandzela Simakadze Nkulunkulu wenu.

1 Samuweli 12:14 Referencias Cruzadas

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

Tihlabelelo 105:28

Watfumela bumnyama, wenta live laba mnyama, kepha bemelana nemavi akhe.

Isaya 3:10

Tjelani labalungile kutsi kutabahambela kahle, ngobe bayawudla titselo tetento tabo.

Sililo 1:18

“Simakadze ulungile, noko ngayihlubuka imitsetfo yakhe. Lalelani, nonkhe nine tive, bukani kuhlupheka kwami. Emajaha akami netintfombi takami sebatfunjiwe.

KubaseRoma 2:7

Labanye bantfu bachubeka benta lokuhle, bafuna tibusiso, neludvumo nekuphila lokungabhubhi; labo-ke Nkulunkulu uyawubanika kuphila lokuphakadze.

Dutheronomi 13:5

Kodvwa lowo mphrofethi nome lowo mphuphi wemaphupho uyawubulawa, ngobe unifundzise kutsi nihlubuke Simakadze Nkulunkulu wenu lowanikhipha eGibhithe, wanihlenga eveni lebugcili; yebo, abetama kuniphambukisa endleleni Simakadze Nkulunkulu wenu laniyala kutsi nihambe ngayo. Niyakukukhipha kanjalo-ke lokubi lokumila emkhatsini wenu.

Joshuwa 24:14

“Ngako yesabani Simakadze nimkhonte ngekwetsembeka konkhe. Balahleni bonkulunkulu bebakhontwa bokhokho benu ngesheya kweMfula, naseGibhithe, nikhonte Simakadze.

Joshuwa 24:20

Nanihlubuka Simakadze bese nikhonta bonkulunkulu betive, utawujika aniletsele inhlekelele etikwenu, anente niphele, nome bekamuhle kini.”