1 Samuweli 1:11 - Siswati 1996 Bible

Wenta setsembiso, watsi: “Awu, Simakadze Somandla, nawungamane ubukisise lusizi lwencekukati yakho, ungikhumbule, ungayikhohlwa incekukati yakho, kodvwa incekukati yakho uyiphe indvodzana, leyo ndvodzana ngiyakunikela ngayo kuSimakadze, tonkhe tinsuku tekuphila kwayo, kuyawubate insingo leyawutsintsa inhloko yayo.”

1 Samuweli 1:11 Referencias Cruzadas

Genesisi 28:20

Jakobe wase wenta sifungo, watsi: “Nangabe Nkulunkulu atawuba nami angilondvolote kuloluhambo lwami, anginike kudla, netimphahla tekwembatsa, ngembatse,

Genesisi 29:32

Leya wakhulelwa, watala indvodzana, wayetsa libito watsi nguRubeni, ngobe abetsi: “Simakadze ukubonile kuhlupheka kwami, manje indvodza yami seyitangitsandza.”

Genesisi 30:22

Nkulunkulu wakhumbula Rakheli, wawuva umthandazo wakhe, wasivula sitalo sakhe.

Genesisi 8:1

Nkulunkulu wamkhumbula Nowa, netilwane tonkhe, kanye nato tonkhe tifuyo labenato emkhunjini. Nkulunkulu waletsa umoya waphuphutsa etikwemhlaba, emanti etja.

2 Samuweli 16:12

Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”

Tihlabelelo 25:18

Buka kuhlupheka kwami nekukhandleka kwami, ungitsetselele tonkhe tono tami.

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Taga 31:2

“Lalela, ndvodzana yami, ndvodzana yesisu sami! Wena uyimphendvulo yemthandazo wami.

Umshumayeli 5:4

Nawenta sifungo kuNkulunkulu, ungacali wephute ekusifezeni. Akatijabuleli tilima; sifungo sakho sifeze.

Levithikusi 27:2

“Tjela sive sema-Israyeli utsi: ‘Nangabe umuntfu ente setsembiso ngebantfu kuSimakadze ngekunika intsengo lelingene bona,

Numeri 21:2

Israyeli wenta sifungo kuSimakadze, watsi: “Nawungahle usinikele lesive etandleni tetfu, sitasincoba sibhubhise nemadolobha aso.”

Numeri 6:11

Umphristi-ke uyawunikela linye libe ngumnikelo wesono, lelinye libe lemnikelo wekushiswa, amentele inhlawulo yekubuyisana, ngobe wonile ngenca yaleso sidvumbu. UmNaziri uyawutehlukanisela inhloko yakhe ngalona lelo langa lekuhlanjululwa,

Numeri 6:5

“ ‘Ngaso sonkhe leso sikhatsi sakhe sekutehlukanisela Simakadze, akayikutihhula tinwele takhe. Uboshwe sifungo sakhe sekutidzela atinikele kuSimakadze ngalokuphelele abe ngulongcwele kuSimakadze; uyawutiyekela tonkhe tinwele takhe tikhule tibe tindze.

Numeri 6:8

Ngaso sonkhe sikhatsi sekutehlukanisela uyawuba ngcwele kuSimakadze.

Tikhulu 11:30

Jeftha wenta sifungo kuSimakadze, watsi: “Nawunganikela ema-Amoni esandleni sami,

Tikhulu 13:5

ngobe utawukhulelwa utale indvodzana. Kute insingo leyawusetjentiswa enhloko yakhe, ngobe lomfana uyawuba ngumNaziri lowehlukaniselwe Nkulunkulu kwasekutalweni kwakhe. Nguye lotawucala kukhulula sive sema-Israyeli esandleni semaFilisti.”

1 Samuweli 1:10

Ngenca yebuhlungu nekukhatsateka kwakhe emphefumulweni, Hana wakhala kakhulu, wathandaza kuSimakadze.

1 Samuweli 1:12

Asachubeka, athandaza kuSimakadze, Eli wawunaka umlomo wakhe.

1 Samuweli 1:19

Ekuseni ngakusasa besuka bayawukhonta Simakadze, base bayancandzeka babuyela ekhaya labo eRama. Elkhana walala naHana, umkakhe, Simakadze wamkhumbula Hana.

1 Samuweli 1:22

Hana wangete wenyuka. Wakhuluma endvodzeni yakhe, watsi: “Utawutsi lomntfwana angalunyulwa, bese ngiyamtsatsa ngiyakumnikela kuSimakadze, bese uvele uyasala, uhlala khona lapho.”

1 Samuweli 1:27

Ngathandaza ngicela lomntfwana, Simakadze wase uyangipha loko lengangikucele kuye.

1 Samuweli 1:28

Ngako manje sengimletse kuSimakadze. Kuko konkhe kuphila kwakhe utawuba waSimakadze.” Samuweli wabe sewukhonta Simakadze khona lapho.

1 Samuweli 2:20

Eli abebabusisa bo-Elkhana nemkakhe, atsi: “Shangatsi Simakadze angakupha bantfwana ngalomfati lona, kuze bavale sikhala salona lamthandazela wase umnikela kuSimakadze.” Babeyaye bese bayancandzeka emvakwaloko, babuyela ekhaya labo.