1 kuThimothi 5:4 - Siswati 1996 Bible

Nangabe umfelokati anebantfwana nome batukulu, abacale bakhombise inhlonipho yekukholwa kwabo emakhaya kubo, babuyisele kubonga kwabo kulabo lababakhulisile, ngobe nguloko lokuhle emehlweni aNkulunkulu.

1 kuThimothi 5:4 Referencias Cruzadas

Genesisi 47:12

Josefa wapha uyise kudla, wapha nabomnakabo, nemndeni weyise; kwaya ngebunyenti babo.

Genesisi 47:28

Jakobe wahlala eveni laseGibhithe iminyaka leli-17. Iminyaka yekuphila kwaJakobe yaba li-147.

Jobe 18:19

Akasenabantfwana, nabatukulu sewute emkhatsini webantfu bakubo; kute insali lapho ake wahlala khona.

Taga 31:28

Bantfwabakhe bayamhlonipha, nendvodza yakhe futsi iyamdvumisa idzimate itsi:

Isaya 14:22

Simakadze longuSomandla utsi: “Ngiyawusukuma ngilwe nabo, ngiyawubhubhisa iBhabhulona, ngiyishiye ite libito nemisalela, ingenabantfwana natitukulwane,” usho njalo Simakadze.

Lukha 2:51

Noko Jesu wahamba nabo waya eNazaretha; lapho wafike watitfoba, waba ngephansi kwabo; kodvwa unina watigcina enhlitiyweni yakhe tonkhe leto tintfo.

1 kuThimothi 2:3

Loku kuhle, kuyemukeleka kuNkulunkulu uMsindzisi wetfu,

1 kuThimothi 5:16

Nangabe kukhona umfati lokholwako lonebafelokati labatihlobo, akabasite; lingetfweswa umtfwalo libandla, khona litekusita labo lababafelokati labeswele ngempela.

kuThithusi 1:11

Labo bafanele kubindziswa, ngobe bacitsa emakhaya ngekufundzisa timfundziso letingakafaneli, bentele kutfola ingcebo ngebubi.

Tikhulu 12:14

Abdoni abenemadvodzana langema-40 nebatukulu labangema-30, babegibela timbongolo letingema-70. Yena-ke wahola sive sema-Israyeli iminyaka lesiphohlongo.

Ruthe 2:18

Wakutsatsa wahamba nako waya ekhaya; wakhombisa uninatala sonkhe sivuno sakhe, waphindze wamnika nekudla lokwakusele ensimini nakadlako.

Ruthe 2:2

Ruthe, umMowabi, wakhuluma kuNawomi, watsi: “Kuncono ngihambe ngiye ensimini ngiyewukhwimita emvakwalowo lengingahle ngitfole kuye umusa.” Nawomi waphendvula watsi: “Hamba, ndvodzakati yami.”