“Tonkhe tilwane letiphilako tiyawuba kudla kwenu; ngininika kona njengobe nganinika tibhidvo.
1 kuThimothi 4:3 - Siswati 1996 Bible Bayawuvimbela kushada nekuteka, batsi akuzilwe kudla lokutsite. Phela konkhe kudla kwadalwa nguNkulunkulu lekufanele kutsi labakholwako bakwemukele ngekubonga, njengobe babantfu labalatiko liciniso lonkhe. |
“Tonkhe tilwane letiphilako tiyawuba kudla kwenu; ngininika kona njengobe nganinika tibhidvo.
Ngase ngiyabona kutsi kuhle kutsi umuntfu adle, anatse, atijabulise ngayo yonkhe imisebenti yakhe layentako lapha ngaphansi kwemtfunti welilanga, atijabulise ngawo onkhe lawo malangana Nkulunkulu lamuphe wona kutsi awaphile ngaphansi kwemtfunti welilanga, ngobe loko kusabelo sakhe,
Ayiyiwubanaka bonkulunkulu baboyise nome lowo lotsandvwa ngulabasikati, futsi ingeke inake nome ngumuphi nkulunkulu, kodvwa iyawutigabatisa yona itibeke ngetulu kwabo bonkhe.
Jesu wase utjela bantfu kutsi bahlale phansi etjanini, watsatsa letinkhwa letisihlanu naletinhlanti letimbili, wabuka etulu, wabusisa. Wahlephula tinkhwa wanika bafundzi bakhe, bona base bemukelisa leticumbi.
Akusiko lokungena emloyeni lokumngcolisako umuntfu, kodvwa ngulokuphuma emlonyeni loku lokumngcolisako.”
Watsatsa letinkhwa letisikhombisa netinhlanti, wabonga, watihlephula watinika bafundzi, bona banika bantfu.
Kodvwa letinye tikebhe lebetiphuma eThibheriyase, tefika edvutane naleyo ndzawo, lapho lesicumbi sasidlele khona tinkhwa emvakwekubonga kweNkhosi.
Watsi kube asho loko Pawula watsatsa sinkhwa wabonga kuNkulunkulu embikwabo bambuka bonkhe, wasihlephula wacala wadla.
Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.
Lodla konkhe angabombukela phansi longadli konkhe, kantsi nalongadli konkhe angamehluleli lona lodla konkhe; ngobe Nkulunkulu umemukele naye.
Lowo lohlonipha lilanga ulihloniphela iNkhosi; nalowo lodlako udlela iNkhosi, ngobe naye ubonga kuNkulunkulu; kantsi nalowo longadli uyekelela iNkhosi, ngobe naye ubonga kuNkulunkulu.
Labanye batsi: “Kudla kwentelwe sisu, nesisu sentelwe kudla,” kodvwa Nkulunkulu uyawukubhubhisa kokubili. Umtimba awukentelwa bugwadla, nekujuma, nebuphingi, ngobe umtimba weNkhosi, neNkhosi yemtimba.
Kodvwa-ke nangabe ushada, awoni; nentfombi nayishada, ayoni. Kepha labashadile bayawuhlupheka emhlabeni, ngifisa kuniphephisa kuloko.
Kepha kudla akusisondzeti kuNkulunkulu; ngobe nome singadli asilahlekelwa lutfo, nome sidla asibuyelwa lutfo.
Ngako-ke akubete umuntfu lonilahla ngekudla nangekunatsa, nome ngemikhosi, nangekwetfwasa kwenyanga, nome ngemaSabatha.
Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.
Ngobe konkhe lokudalwe nguNkulunkulu kulungile. Kuko konkhe lokwemukelwa ngekubonga kute lokufanele kwaliwe,
Ngifisa kutsi bafelokati labasebancane bendze, batale bantfwana, baphatse imindeni yabo, kuze sitsa singetilitfola litfuba lekunyembenya labakholwako.
Umshado awuhlonishwe ngibo bonkhe; labatsetsene kufanele betsembeke lomunye kulomunye. Nkulunkulu uyawubehlulela bonkhe labagwadlako nalabaphingako.
Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.
Nitawutsi nisangena edolobheni, nimkhandze asengakaphumi kwenyukela entsabeni kuyakudla. Bantfu bangeke bacale kudla angakefiki, ngobe phela kufanele awubusise lomhlatjelo; emvakwaloko-ke, labo labamenyiwe batawube sebayadla. Yenyukani, nifanele kumkhandza ngaso lesikhatsi.”