1 kubaseKorinthe 9:1 - Siswati 1996 Bible

Angikakhululeki yini? Angisiye yini umphostoli? Angimbonanga yini Jesu iNkhosi yetfu? Nine anisiwo yini umsebenti wami eNkhosini?

1 kubaseKorinthe 9:1 Referencias Cruzadas

Imisebenti yebaPhostoli 13:2

Basakhonta iNkhosi, bazila, Moya Longcwele watsi kubo: “Ngehlukaniseleni boBhanabasi naSawula, nibehlukanisele umsebenti lengibabitele wona.”

Imisebenti yebaPhostoli 14:14

Lapho boBhanabasi naPawula beva loko bese batakwenta, badzabula tingubo tabo bagijima bacondza emkhatsini wesicumbi, bamemeta batsi:

Imisebenti yebaPhostoli 14:4

Bantfu belidolobha behlukana ekhatsi, labanye baba ngakumaJuda, labanye baba ngakubaphostoli.

Imisebenti yebaPhostoli 23:11

Ngebusuku lobulandzelako iNkhosi yema eceleni kwaPawula yatsi: “Mani sibindzi, njengobe ungifakazele nje la eJerusalema, kufanele wente njalo futsi naseRoma.”

Imisebenti yebaPhostoli 9:15

INkhosi yatsi kuye: “Hamba, ngobe lowo muntfu usitja sami lengisikhetsile kutsi siphatse libito lami kubetive nakumakhosi, nakubantfu baka-Israyeli.

Imisebenti yebaPhostoli 9:17

Ngako-ke Ananiyase wahamba, wangena endlini wabeka tandla etikwaSawula. Watsi: “Mzalwane, Sawula, iNkhosi Jesu lebonakele kuwe endleleni ingitfumile kutsi ubone futsi, ugcwaliswe ngaMoya Longcwele.”

Imisebenti yebaPhostoli 9:3

Asahamba aya eDamaseko, asasedvute nje nalelo dolobha, kwavela kukhanya lokukhulu esibhakabhakeni, kwambaneka ndzawo tonkhe ngekuphatima kweliso.

Imisebenti yebaPhostoli 9:5

Waphendvula watsi: “Ungubani, wena Nkhosi?” Livi laphendvula latsi: “NginguJesu, lomhluphako!

KubaseRoma 1:1

Lencwadzi iphuma kuPawula, inceku yaKhristu Jesu, nemphostoli lokhetsiwe wabitwa nguNkulunkulu kutsi ashumayele liVangeli.

KubaseRoma 1:5

Ngaye loJesu semukele umusa nebuphostoli, kuze kutsi egameni lakhe bantfu etiveni tonkhe sibaholele ekukholweni nasekutfobeleni Nkulunkulu.

KubaseRoma 11:13

Sengikhuluma kini betive: Njengobe ngingumphostoli kubetive nje, ngiyawudvumisa umsebenti wami.

1 kubaseKorinthe 1:1

Lencwadzi iphuma kuPawula, lowabitwa ngentsandvo yaNkulunkulu kutsi abe ngumphostoli waKhristu Jesu, kanye nakuSostene, umzalwane.

1 kubaseKorinthe 10:29

Angisho nembeza wakho, kodvwa ngisho walomunye. Nitsi: “Yini kutsi inkhululeko yami yehlulelwe ngunembeza walomunye umuntfu?

1 kubaseKorinthe 10:30

Nangabe ngidla ngekubonga nginyembenyelwani ngalengikubongako?”

1 kubaseKorinthe 11:16

Kodvwa-ke nangabe umuntfu afuna kuphika inkhani, tsine site lelinye lisiko enkonzweni, nemabandla aNkulunkulu ate lelinye.

1 kubaseKorinthe 3:6

Mine ngahlanyela nje, Apolosi yena wafike wanisela, kepha nguNkulunkulu lokhulisile.

1 kubaseKorinthe 9:19

Ngobe nome ngikhululeke kubo bonkhe, noko ngatenta sigcili kubo bonkhe, ngidzimate ngizuzele labanyenti kuKhristu.

2 kubaseKorinthe 10:7

Tsatsani lamaciniso njengobe anjalo. Kukhona yini lokholwa kutsi yena waKhristu? Kuhle loko, kodvwa akase acabange naku: Natsi futsi sibaKhristu njengaye.

2 kubaseKorinthe 11:5

Ngitsi angisiye lodzelelekile kunalabaphostoli lababonakala bagcame kakhulu.

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

KubaseGalathiya 1:1

Lencwadzi iphuma kuPawula umphostoli, longatfunywanga bantfu nome ngemuntfu, kodvwa ngaJesu Khristu naNkulunkulu longuYise lowamvusa kulabafile.

KubaseGalathiya 5:1

Khristu wasikhululela kutsi sihlale sikhululekile. Manini-ke, nicine, ningaphindzi niboshelwe ejokeni lebugcili.

1 kubaseThesalonika 2:6

Asizange sesilufune ludvumo kubantfu, ngisho nakini imbala.

1 kuThimothi 2:7

Ngiko lengakhetselwa kuba ngummemeteli nemphostoli wako, ngifundzise betive kukholwa neliciniso; ngikhuluma liciniso, hhayi emanga.

2 kuThimothi 1:11

Ngamiselwa kutsi ngibe ngummemeteli, nemphostoli, nemfundzisi waleliVangeli,