1 kubaseKorinthe 8:4 - Siswati 1996 Bible

Ngako-ke macondzana nekudla kudla lokuhlatjelwe tithico siyati kutsi: “Kute sithico lesiphilako,” nekutsi: “Nkulunkulu munye kuphela, kute lomunye.”

1 kubaseKorinthe 8:4 Referencias Cruzadas

Tihlabelelo 86:10

Ngobe wena umkhulu, ungumenti wetimangaliso, nguwe wedvwa longuNkulunkulu.

Isaya 37:16

“Awu, Simakadze Somandla, Nkulunkulu wesive sema-Israyeli, wena lohleli emkhatsini wemakherubhi, wena wedvwa unguNkulunkulu etikwayo yonkhe imibuso yemhlaba. Wena wadala lizulu nemhlaba.

Isaya 37:20

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

Isaya 41:24

Kodvwa nibancane kabi kunelite, nemisebenti yenu ilite nje. Lowo lokhetsa nine unengekile.

Isaya 44:24

“Naku lokushiwo nguSimakadze, uMhlengi wakho, lowakubumba esiswini, utsi: NginguSimakadze, lowente tonkhe tintfo, yena yedvwa loweneke emazulu, lowendlala umhlaba ayedvwana,

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Isaya 45:14

Naku lokushiwo nguSimakadze, utsi: “Umkhicito waseGibhithe nalokuhwebiwe kwaseKushe, kanye nalawo maSeba, bantfu labadze, kuyawuta kuwe kube kwakho, Siyoni, bayawuhamba badzembuluka emvakwakho, bete kuwe baboshwe ngetinketane. Bayawukhotsama embikwakho bakuncenge, batsi: ‘Ngempela Nkulunkulu unani, futsi kute lomunye, kute lomunye Nkulunkulu.’ ”

Isaya 45:5

NginguSimakadze, futsi kute lomunye, ngaphandle kwami kute Nkulunkulu; ngiyawukuhlomisa, wena ungakangemukeli nje,

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 10:14

Bonkhe abanangcondvo, futsi abanalwati, bonkhe babumbi betegolide bahlazekile ngetithico tabo. Titfombe tabo tiyinkhohliso, atinamphefumulo.

Makho 12:29

Jesu wasiphendvula watsi: “Wekucala utsi: ‘Lalelani, nine baka-Israyeli, iNkhosi Nkulunkulu wetfu, iNkhosi yinye.

Imisebenti yebaPhostoli 14:15

“Madvodza, nikwentelani loku? Natsi sibantfu nje, labafanana nani! Site lapha kuniletsela liVangeli, kuze nigucuke nisuke kuletintfo letingenamsebenti niye kuNkulunkulu lophilako, lowenta lizulu, nemhlaba, nelwandle, nako konkhe lokukuko.

Imisebenti yebaPhostoli 15:20

kuphela nje asibabhalele incwadzi sibatjele kutsi bangakudli kudla lokungcoliswe ngekunikelwa etithicweni, babalekele bugwadla, bangadli lokucumbelene, bangayidli nengati.

Imisebenti yebaPhostoli 19:26

Niyatibonela, futsi niyativela konkhe lokwentiwa ngulendvodza lenguPawula. Utsi bonkulunkulu labakhiwe ngetandla abasibo bonkulunkulu sibili, sewugucule bantfu labanyenti, hhayi kuleli lase-Efesu kuphela kodvwa cishe kulo lonkhe lase-Asiya.

1 kubaseKorinthe 8:1

Mayelana nalokuhlatjelwe tithico siyabona sonkhe, njengaloku nisho nitsi: “Sonkhe sinalo lwati.” Kwati kuyakhukhumeta, kantsi lutsandvo luyakha.

1 kubaseKorinthe 8:10

Ngobe nangabe umuntfu lonanembeza lobutsakatsaka akubona wena lowatiko uhlanganyela edzilini letithico, angete akhutsateka yini kutsi adle lokuhlatjelwe tithico?

1 kubaseKorinthe 8:11

Ngako-ke lobutsakatsaka uyabhubha ngenca yelwati lwakho, kantsi naye ungumzalwane Khristu lamfela.

KubaseGalathiya 4:8

Kodvwa nisengakamati Nkulunkulu nanigcilatwe bonkulunkulumbumbulu,

Kubase-Efesu 4:6

munye Nkulunkulu, longuBabe wetfu sonkhe, longetulu kwabo bonkhe, nalongekhatsi kwabo bonkhe, nakubo bonkhe.

Dutheronomi 3:24

‘Hawu! Nkhosi Simakadze, sewucalile kukhombisa inceku yakho bukhulu bakho nesandla sakho lesinemandla. Ngumuphi nje nkulunkulu losezulwini nome losemhlabeni longenta lemisebenti nalemimangaliso yemandla loyentako?

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.

Dutheronomi 4:35

“Letintfo natikhonjiselwa kutsi nati kutsi Simakadze unguNkulunkulu; ngaphandle kwakhe kute lomunye.

Dutheronomi 4:39

“Ngako khumbulani ningaphindzi nikhohlwe kusukela lamuhla kutsi Simakadze unguNkulunkulu, ezulwini etulu nasemhlabeni phansi. Kute lomunye.

Dutheronomi 6:4

“Lalelani, ma-Israyeli, Simakadze Nkulunkulu wetfu nguye yedvwana longuSimakadze.

1 kuThimothi 1:17

Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

1 kuThimothi 2:5

Ngobe munye Nkulunkulu, munye neMlamuli losemkhatsini waNkulunkulu nebantfu, lomuntfu nguKhristu Jesu,

YaJuda 1:25

yebo, kuNkulunkulu lokunguye yedvwa, uMsindzisi wetfu ngaJesu Khristu iNkhosi yetfu, akube ludvumo, nebukhosi, nemandla, neligunya, ngaphambi kwetikhatsi, manje, naphakadze. Amen.