1 kubaseKorinthe 6:5 - Siswati 1996 Bible

Loku ngikusho khona nitewubona lihlazo lenu. Senisho kutsi sekute namunye lapho emkhatsini wenu longaba nekuhlakanipha lokwenele kutsi ehlulele bazalwane bakhe?

1 kubaseKorinthe 6:5 Referencias Cruzadas

Taga 14:8

Kuhlakanipha kwemuntfu locotfo kumholela endleleni lelungile; kodvwa tilima tedukiswa bulima bato.

Imisebenti yebaPhostoli 1:15

Kulawo malanga kusahlangene emakholwa labengaba li-120 asawonkhe, Phetro wasukuma watsi:

Imisebenti yebaPhostoli 9:13

Kepha Ananiyase waphendvula watsi: “Nkhosi, bantfu labanyenti sebangitjelile ngalendvodza, nangabo bonkhe budlova lebentile kubantfu bakho eJerusalema.

1 kubaseKorinthe 11:14

Imvelo yona ngekwayo ayisiyo yini lefundzisa kutsi indvodza lenetinwele letindze iyatihlazisa?

1 kubaseKorinthe 15:34

Sangulukani; ningaphindzi none, ngobe labanye abamati Nkulunkulu. Ngikusho loko khona nitewuba nemahloni.

1 kubaseKorinthe 3:18

Akubete lotiyengako, nangabe umuntfu atsi uhlakaniphile emkhatsini wenu kulesikhatsi, akabe silima, khona atewuba ngulohlakaniphile.

1 kubaseKorinthe 4:10

Tsine sitilima ngenca yaKhristu, kodvwa nine nihlakaniphile kuKhristu. Tsine sibutsakatsaka ngenca yaKhristu, kepha nine ninemandla. Nine niyadvunyiswa, kepha tsine siyanyembenywa.

1 kubaseKorinthe 4:14

Anginibhaleli loku ngobe ngicondze kunidlisa ngemahloni, kodvwa ngiyaneluleka njengebantfwabami lengibatsandzako.

1 kubaseKorinthe 6:1

Nangabe lomunye wenu anelicala nalomunye, pho, angabe sewuyammangalela yini kubantfu labangakholwa? Yini angayi kulabangcwele?

1 kubaseKorinthe 6:4

Nangabe ninalawo macala enu, niwayiselani kubantfu labangakabalwa nekubalwa ebandleni?

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.