1 kubaseKorinthe 5:6 - Siswati 1996 Bible

Kutibonga kwenu kubi. Kantsi anati yini kutsi imbiliso lencane ibilisa inhlama yonkhe?

1 kubaseKorinthe 5:6 Referencias Cruzadas

Hoseya 7:4

Bonkhe batiphingi, bashisa njengelihhavu lona lelimlilo walo lophekako akadzingi kuwukhwetela, kusukela ekubhuceni inhlama ize ikhukhumuke.

Matewu 13:33

Waphindze wabatjela lomunye umfanekiso watsi: “Umbuso welizulu ufanana nembiliso leyatsatfwa ngumfati wayibhica nemabinta lamatsatfu emphuphu, kwabila konkhe.”

Lukha 13:21

Ngingawufanisa nembiliso leyatsatfwa ngumfati wayihlanganisa nemabinta lamatsatfu afulaha, yakhukhumuka lenhlama.”

KubaseRoma 6:16

Anati yini kutsi lowo lenitinikele kuye nitigcili takhe tekumlalela? Nitigcili talowo lenimlalelako, nome tesono kube kufa, nome tekulalela Nkulunkulu kube kwemukeleka kuye kutsi nilungile.

1 kubaseKorinthe 15:33

Ningayengeki: “Bangani lababi bonakalisa similo lesihle.”

1 kubaseKorinthe 3:21

Ngaloko-ke akubete lotigabatisako atibonge yena ngebantfu, ngobe konkhe kwenu.

1 kubaseKorinthe 5:2

Kodvwa ngulapho niyatikhukhumeta! Anikhali ngani, kutsi lowo lowente lentfo lembi nimkhiphe emkhatsini wenu?

KubaseGalathiya 5:9

Khumbulani naku: “Sibiliso lesincane nje lesibilisa yonkhe inhlama.”

2 kuThimothi 2:17

Inkhulumo yabo iyawubhidlika njengesilondza semgubho lesincincako. Emkhatsini wabo kukhona boHumenayosi naFiletusi,

YaJakobe 4:16

Kepha manje niyatibonga ngekutigabatisa kwenu. Konkhe kutigabatisa lokunjalo kubi.