1 kubaseKorinthe 16:16 - Siswati 1996 Bible

Ngiyanincenga kutsi nibatfobele labanjalo nabo bonkhe labasebentisana nabo bashiphaneka.

1 kubaseKorinthe 16:16 Referencias Cruzadas

1 Tikhronike 12:18

Moya wabe sewehlela ku-Amasayi, lowabe sewuyabekwa kutsi abe ngumholi walabangema-30, watsi: “Davide, msa waJese, tsine sibakho! Sihambisana nawe! Imphumelelo! Nalabo labakusitako ababe nemphumelelo! Ngobe Nkulunkulu wakho utakusita.” Davide wavele wabemukela, wababeka baba baholi bemabutfo akhe ekuhlasela.

Umshumayeli 1:3

Umuntfu utfolani ngawo wonkhe umshikashika lawusebentelako lapha ngaphansi kwemtfunti welilanga?

KubaseRoma 16:12

Hambisani boTrayifina naTrayifosa, tisebenti teNkhosi; nihambise naPhesisi lotsandzekako lowasebenta kakhulu eNkhosini.

KubaseRoma 16:3

Hambisani boPhrisila na-Akhwila, labasebentela Khristu Jesu kanye nami,

KubaseRoma 16:6

Hambisani Mariya lowanisebentela kakhulu.

KubaseRoma 16:9

Hambisani Ubhanusi, losebentela Khristu Jesu kanye nami; hambisani nalotsandzekako wami Stakhusi.

1 kubaseKorinthe 12:28

Nkulunkulu umise labatsite ebandleni: kucala baphostoli, kwesibili baphrofethi, kwesitsatfu bafundzisi, bese kuba ngulabenta imisebenti yemandla, nalabanetiphiwo temusa tekuphilisa, nebasiti, nebaholi, nalabakhuluma ngetilimi.

1 kubaseKorinthe 3:9

Ngobe tsine sitisebenti nje taNkulunkulu letibambisene naye, nine niyinsimi yakhe. Nine futsi niyindlu yaNkulunkulu.

Kubase-Efesu 5:21

Nitfobelane ngenca yekwesaba Khristu.

KubaseFiliphi 4:3

Yebo, ngiyakuncusa nawe, mhlobo wami locotfo, lengiboshelwe kanye naye, yelekelela labo bafati, ngobe babambisene nami eVangelini, kanye naKlemente naletinye tisebenti lengibambisene nato, emabito ato labhaliwe encwadzini yekuphila.

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

1 kubaseThesalonika 2:9

Bazalwane, ngiyetsemba kutsi niyayikhumbula imisebenti nemisiphalato yetfu sisebenta emkhatsini wenu busuku nemini sentela kutsi singasindzi ngisho namunye wenu ngesikhatsi sisashumayela kini liVangeli laNkulunkulu.

1 kubaseThesalonika 5:12

Siyanincenga, bazalwane, kutsi nibahloniphe labo labasebenta emkhatsini wenu, babaholi benu eNkhosini, labaniyala ngemphilo yebuKhristu.

1 kuThimothi 5:17

Babonisi belibandla labaphetse kahle bafanele kubongwa ngalokuphindziwe, ikakhulu labo labasebenta ngekushumayela nangekufundzisa.

KumaHebheru 13:17

Hloniphani baholi benu, nilalele imitsetfo yabo, ngobe balindza imiphefumulo yenu bangaphumuli, njengobe bayawulandzisa ngayo. Nanenta njalo, nibasita, umsebenti wabo batawenta ngekujabula, hhayi ngelusizi; ngobe nani kungeke kunisite loko.

KumaHebheru 13:24

Hambisani bonkhe baholi benu, kanye nabo bonkhe labangcwele. Bazalwane baseTaliyane bayanihambisa.

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”

3 yaJohane 1:8

Ngako-ke sifanele kubasita bantfu labanjalo, kuze sibambisane nabo emsebentini weliciniso.

Sembulo 2:3

Ngiyati kutsi uyabubeketelela bulukhuni, uhlupheke kakhulu ngenca yelibito lami; kodvwa awuzange sewudzinwe.