1 kubaseKorinthe 11:29 - Siswati 1996 Bible

Ngobe lodlako anatse, utidlela atinatsele yena licala lekwehlulelwa, nangabe angawehlukanisi umtimba weNkhosi.

1 kubaseKorinthe 11:29 Referencias Cruzadas

Umshumayeli 8:5

Lohlonipha umyalo wenkhosi, kute lokungamfaka engotini. Umuntfu lohlakaniphile uyati enhlitiyweni yakhe sikhatsi lesilungile nendlela lekahle yekwenta tintfo.

Lukha 7:34

INdvodzana yeMuntfu yase iyefika, yona-ke yadla yanatsa, nase nitsi: ‘Ase nibheke! Lomuntfu usimiti nemnatsi, futsi ungumngani webatselisi netoni.’

KubaseRoma 13:2

Ngako-ke lowo lomelana nemandla embuso umelana nalokumiswe nguNkulunkulu, nalabo labenta loko batibangela kwehlulelwa.

1 kubaseKorinthe 11:24

wabonga wasihlephula, watsi: “Loku ngumtimba wami lohleshulelwe nine. Loku kwenteni kuze ningikhumbule.”

1 kubaseKorinthe 11:27

Ngako-ke lowo lodla lesinkhwa aphindze anatse kulendzebe ngalokungakafaneli, unelicala lekona umtimba nengati yeNkhosi.

1 kubaseKorinthe 11:28

Kodvwa umuntfu akatihlolisise yena, emvakwaloko-ke adle lesinkhwa anatse kulendzebe.

1 kubaseKorinthe 11:30

Ngenca yaloko labanyenti emkhatsini wenu babutsakatsaka bayagula, labanye sebafa.

KumaHebheru 5:14

Kudla lokucinile kwebantfu lasebakhulile, lasebanemicondvo lehlutekile, leseyikwati kwehlukanisa lokuhle nalokubi.

YaJakobe 3:1

Bazalwane bami, akukuhle kutsi linyenti lenu libe bafundzisi, nati kutsi tsine lesifundzisako siyakwemukeliswa kwehlulelwa lokumatima.

YaJakobe 5:12

Kepha, bazalwane bami, etikwako konkhe ningafungi, nome ngelizulu, nome ngemhlaba, nome ngangusiphi sifungo; kodvwa nanivuma nibotsi: “Yebo” nome-ke nitsi: “Cha” nangabe niyala, kuze ningangeni ekwehlulelweni.