1 kubaseKorinthe 11:26 - Siswati 1996 Bible

Ngobe nanidla lesinkhwa ninatse kulendzebe, nifakazela kufa kweNkhosi, ize ibuye.

1 kubaseKorinthe 11:26 Referencias Cruzadas

Johane 14:3

Nase ngiyile nganilungisela indzawo, ngiyawubuya nginilandze, nite kimi, kuze kutsi lapho ngikhona nibe khona nani.

Johane 21:22

Jesu wamphendvula watsi: “Nangifuna kutsi aphile, ngidzimate ngibuye, kukuhlupha ngani wena loko? Wena landzela mine!”

Johane 21:23

Ngako kwabe sekwandza inkhulumo emkhatsini webafundzi baJesu kutsi lomfundzi angeke afe. Kodvwa Jesu abengazange asasho kutsi lomfundzi angeke afe; watsi: “Nangifuna kutsi aphile, ngidzimate ngibuye, kukuhlupha ngani wena loko?”

Imisebenti yebaPhostoli 1:11

Atsi kubo: “Madvodza aseGalile, nimeleni nibuke etulu? LoJesu, lotsetfwe lapha kini wayiswa ezulwini, uyawubuya futsi ngayo yona leyo ndlela njengobe nimbonile nje aya ezulwini.”

1 kubaseKorinthe 15:23

Kepha ngulowo nalowo uyawuvuka ngesigaba sakhe: Khristu kucala, bese kuba ngulabo lababaKhristu ekubuyeni kwakhe.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

1 kubaseThesalonika 4:16

Ngobe iNkhosi lucobo lwayo iyakwehla ezulwini ngelivi lenhlokomo, nangeliphimbo lengilosi lenkhulu, nangelicilongo laNkulunkulu. Labo labafe bakholwa nguKhristu bayawuvuka kucala.

2 kubaseThesalonika 1:10

Loko kuyakwenteka ngelilanga nayifika kutawudvunyiswa kulabangcwele bayo, bayibabate bonkhe labakholwako; nani niyawube nisemkhatsini wabo, ngobe nani nabemukela bufakazi betfu ngayo.

KumaHebheru 9:28

Kanjalo-ke naKhristu, asatinikele kanye kwetfwala tono talabanyenti, uyawubonakala ngekwesibili, asangaseteli sono, kodvwa asetele kuyawusindzisa labo labahlala bamlindzele.

2 yaPhetro 3:10

Kepha lilanga leNkhosi liyawufika njengelisela, mhlazana emazulu ayakwendlula ngekuhlokoma; tonkhe tisekelo temkhatsi tiyakusha tincibilike, umhlaba nemisebenti lekuwo kuyawusha.

1 yaJohane 2:28

Bantfwabami, hlalani kuye, khona kutawutsi nakachamuka sibe nesibindzi sibete emahloni sinyibe kuye ekufikeni kwakhe.

YaJuda 1:14

Enoki lowesikhombisa esitukulwaneni sa-Adamu, wakhuluma kadzeni ngalabantfu watsi: “INkhosi iyawufika kanye netinkhulungwane tetinkhulungwane talabangcwele bayo.

Sembulo 1:7

Lalelani la, uyeta ngemafu, onkhe emehlo ayawumbona, ngisho nabo bonkhe labamgwaza, nato tonkhe tive temhlaba tiyawukhala tilile ngaye. Yebo, akube njalo. Amen.

Sembulo 22:20

Lowo lowetfula lobufakazi utsi: “Yebo, ngiyeta masinyane!” “Amen! Kota, Nkhosi Jesu!”