Kukhona bantfu betive lababesemkhatsini wema-Israyeli, lababekhala ngekukhanuka inyama. Nawo ema-Israyeli akhala, atsi: “Ngubani lotasipha inyama sitekudla?
1 kubaseKorinthe 10:6 - Siswati 1996 Bible Konkhe loko kusibonelo kitsi, kuze kutsi singakufisi lokubi, njengaloko bona bebakufisa. |
Kukhona bantfu betive lababesemkhatsini wema-Israyeli, lababekhala ngekukhanuka inyama. Nawo ema-Israyeli akhala, atsi: “Ngubani lotasipha inyama sitekudla?
Kodvwa kusukela esikhatsini sa-Adamu kuye esikhatsini saMosi bonkhe bantfu babuswa kufa, ngisho nalabo labangazange bone njenga-Adamu. Adamu abesitfunti salowo abetawufika.
Konkhe loko kwenteka kubo kuze kube sibonelo kitsi. Ngako kwabhalwa phansi njengesecwayiso kitsi tsine lesesifikelwe sikhatsi sekugcina.
Ngako-ke asikhutsalele kungena kuloko kuphumula, kubete lowehluleka ngenca yekungalaleli njengabo.
Ngobe Khristu akangenanga endzaweni lengcwelengcwele leyentiwe ngetandla nalengumfutiselo waleyo lengiyo sibili; kodvwa wangena ezulwini sibili, lapho abonakala khona asimele kuNkulunkulu.
Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.
Emadolobha aseSodoma naseGomora Nkulunkulu wawalahla ngelicala, wase uwabhubhisa ngemlilo, aphela nya, aba ngumlotsa; wawenta aba sibonelo kulabo labangayiwumesaba Nkulunkulu.
Khumbulani futsi iGomora neSodoma nemadolobha labekakhelene nawo. Bantfu balawo madolobha nabo balingisa letingilosi. Emadvodza abelalana odvwana ngendlela lengazange seyibonwe nalephambene nemvelo ehlelwa sijeziso lesimatima, umlilo longacimeki; aba secwayiso.