1 kubaseKorinthe 10:22 - Siswati 1996 Bible

Sifuna kutsi iNkhosi ibe nesikhwele yini? Sinemandla yini kunayo?

1 kubaseKorinthe 10:22 Referencias Cruzadas

1 Emakhosi 14:22

Bantfu besive sakaJuda benta lokubi emehlweni aSimakadze, ngetento tabo labatenta, bavusa intfukutselo yaSimakadze; benta lokubi kakhulu, kwendlula loko lokwakwentiwe boyise.

Jobe 9:4

Kuhlakanipha kwaNkulunkulu kujulile, emandla akhe abanti kakhulu. Ngubani nje lowake wacinisa inhloko kuye, wachubeka waphumelela angulote sici?

Tihlabelelo 78:58

Bamtfukutselisa ngetindzawo tabo temalati, lapho bakhonta khona tithico tabo letibatiwe, loko kwamenta waba nesikhwele.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Eksodusi 34:14

“Ningamkhonti lomunye nkulunkulu, ngobe loSimakadze lobitwa ngekutsi nguSikhwele unguNkulunkulu lonesikhwele.

Umshumayeli 6:10

Konkhe lokukhona sekwetsiwa libito lako, nemvelo yemuntfu iyatiwa. Kute umuntfu longamelana nalonemandla kunaye.

Isaya 45:9

Maye kulowo lolwa neMenti wakhe, kuye lowo loludzengelo nje emkhatsini wetindzengelo temhlaba. Libumba like lisho yini kumbumbi walo litsi: ‘Ubumbani?’ Umsebenti wakho ungake usho yini utsi: ‘Ute tandla’?

Jeremiya 44:8

Ningicunulelani ningitfukutselise ngaloko lokwentiwe tandla tenu, nangekutfuncisa imphepho kulabanye bonkulunkulu baseGibhithe, lapho nitewuhlala khona? Nitatibhubhisa nine, nitente nibe yintfo yekucalekisa nelihlazo etiveni tonkhe temhlaba.

Jeremiya 7:19

Kodvwa ngimi yini lona labamchukulutako? kusho Simakadze. Abatilimati bona yini, batitsele bona ngelihlazo?

Hezekeli 22:14

Siyawukuma yini leso sibindzi sakho? Tona tandla takho tiyawucina yini ngelilanga lengiyawubhekana nawe ngalo? Mine Simakadze sengikhulumile, futsi ngitakwenta loko.

Zefaniya 1:18

Isiliva yabo negolide yabo kungeke kubasindzise ngelilanga lelulaka lwaSimakadze. Emlilweni wesikhwele sakhe umhlaba wonkhe uyawushiswa, ngobe uyakwenta siphetfo lesisheshisako sabo bonkhe labahlala emhlabeni.

Dutheronomi 32:16

Bamenta waba nesikhwele ngabonkulunkulu babo betive; bamtfukutselisa ngaleto tithico tabo letinengekako.

Dutheronomi 32:21

Bangenta ngaba nesikhwele ngalokungesiye nkulunkulu. Bangitfukutselisa ngetithico tabo letingenamsebenti. Ngiyawubenta babe nemona ngalabo labangesiso sive. Ngiyawubatfukutselisa ngesive lesingenakucondza.

Dutheronomi 4:24

Ngobe Simakadze Nkulunkulu wenu ungumlilo locotfulako, unguNkulunkulu lonesikhwele.

Dutheronomi 6:15

ngobe Nkulunkulu wenu, losemkhatsini wenu, nguNkulunkulu lonesikhwele; nentfukutselo yakhe itanivutsela inishise inicedze niphele nya kulelive.

KumaHebheru 10:31

Maye, kuyesabeka kwehlulelwa nguNkulunkulu lophilako!

Joshuwa 24:19

Joshuwa wakhuluma kulabantfu, watsi: “Ningeke nikhone kukhonta Simakadze. Nkulunkulu ungcwele; unguNkulunkulu lonesikhwele. Angeke akutsetselele kumhlubuka kwenu netono tenu.