Genese 8:9 - BIBELE

Empa leeba la se ke la fumana moo le ka beang leoto teng, mme la kgutlela ho yena ka arekeng, hobane metsi a ne a sa tletse hohle lefatsheng. A nanabetsa letsoho la hae, a tshwara leeba, a le kgutlisetsa ho yena ka arekeng.

Sesotho 1909/1961 (SO)

Empa leeba ha le a ka la bona tulo moo le ka beang bohato ba leoto la lona teng, yaba le kgutlela ho yena arekeng, hobane metsi a ne a sa le teng lefatsheng lohle, mme a nanabetsa letsoho la hae, a nka leeba, mme a le busetsa ho yena arekeng.

Genese 8:9 Referencias Cruzadas

Genese 8:10

A ema matsatsi a mang a supileng, a nto ntsha leeba hape ka arekeng.

Genese 8:8

Jwale a ntsha leeba, ho bona hore na metsi a fokotsehile lefatsheng.

Dipesaleme 116:7

Moya wa ka, ako boele o kgatholohe, hoba Morena o o etseditse tse molemo.

Isaia 60:8

“Baa ba pakaselang jwaloka leru ke bafe? Baa ba kang maeba a fofela dihlaheng tsa wona?

Ezekiele 7:16

Bohle ba tla phonyoha ba tla balehela dithabeng, ba kuruetse sa maeba a dikgohlo, motho ka mong a llele dibe tsa hae.

Mattheu 11:28

“Tloong ho nna, lona bohle ba kgathetseng, ba imetsweng, mme ke tla le kgatholla.

Johanne 16:33

“Ditaba tsena ke di buile ho lona hore le tle le fumane kgotso ho nna. Le tla ba le matshwenyeho lefatsheng, empa kgothalang, nna ke hlotse lefatshe.”

Deuteronoma 28:65

Hara ditjhaba tseo le ke ke la fumana boiketlo, le maoto a lona a tla hloka moo a ka hatang teng. Morena o tla etsa hore dipelo tsa lona di tshwenyehe, mahlo a lona a fifale, meya ya lona e hlomohe.