Genese 13:8 - BIBELE

Yaba Aborame o re ho Lota: “Ke a o rapela, qabang a e ke e be siyo pakeng tsa rona le wena, le pakeng tsa badisana ba ka le badisana ba hao, hobane re bana ba motho.

Sesotho 1909/1961 (SO)

Yaba Abrame o re ho Lota: Oho! qabang e se ke ya eba teng mahareng a ka le wena, kapa mahareng a badisa ba ka le badisa ba hao, hobane re bana ba motho a le mong.

Genese 13:8 Referencias Cruzadas

Genese 13:9

Ha ke re o ka ikgethela moo o ratang teng naheng ye yohle? A re arohane. Haeba o eya ka letsohong le letshehadi, nna ke tla ya ka ho le letona; ha o eya ka ho le letona, ke tla ya ka ho le letshehadi.”

Genese 14:14

Ha Aborame a utlwa hore mora wa moena hae o hapilwe, a phalla le banna ba hae ba hlometseng ba makgolo a mararo le leshome le metso e robedi, ba tswaletsweng tlung ya hae, mme ba ba lelekisa ho ya fihla Dane.

Genese 45:24

Jwale a re bana babo ba tsamaye, mme ba tsamaya. A re ho bona: “Le se ke la qabana ha le le tseleng.”

Genese 46:34

le tle le re: ‘Haesale bahlanka ba hao e le badisa, ho tloha botjheng ba bona, ho fihlela kajeno, rona le bo-ntata rona,’ e le hore le tle le jake seterekeng sa Goshene, hobane Baegepeta ba kgesa badisana bohle.”

Dipesaleme 133:1

Pesalema ya Davida. Sefela sa ho nyolohela Jerusalema. Bonang, ho hotle, ho monate hakaakang, ha bana ba motho ba phedisana ka kgotso!

Eksoda 2:13

Ka letsatsi le hlahlamang a ya hape, a bona banna ba Baheberu ba babedi ba lwana; yaba o re ho ya molato: “Ke ka baka lang ha o otla ngwaneno?”

Diproverbia 15:1

Ya arabang ka boikokobetso o tima kgalefo, empa polelo e kgahlapetsang e baka bohale.

Diproverbia 15:18

Motho ya bohale o baka diqabang, ya nang le mamello yena o a di fedisa.

Diproverbia 20:3

Ke tlotla ho kgaohana le diqabang, sethoto sona ke maratahelele!

Mattheu 5:9

Ho lehlohonolo ba bopang kgotso, hobane ba tla bitswa bana ba Modimo.

Diketso 7:26

Ka letsatsi le hlahlamang, a fumana ba bang ba lwana, a leka ho ba boelanya hore ba etse kgotso, a re: ‘Banna, le bana ba motho; le etsetsanang hampe?’

Baroma 12:10

Ratanang jwaloka bana ba motho, le hlodisane ha le hlomphana.

BaFilipi 2:14

Etsang tsohle ntle ho pelaelo kapa ngangisano,

1 BaThesalonika 4:9

Ha e le ka lerato la boena, ha le hloke hore le ngollwe ka lona, hobane ka bolona le rutilwe ke Modimo ho ratana;

BaHebheru 12:14

Pheellang ho phela le bohle ka kgotso le ka kgalalelo, hobane ntle ho yona ha ho ya tla bona Morena.

BaHebheru 13:1

Le nne le ratane jwalokaha bana ba motho ba ratana.

1 Petrose 1:22

Kaha le hlwekisitse meya ya lona ka ho mamela nnete, mme le rata bana babo lona ka lerato le se nang boikaketsi, ratanang ka dipelo tsohle, ka lerato le mofuthu.

1 Petrose 2:17

Hlomphang batho bohle, ratang badumedi, tshabang Modimo, hlomphang kgosi.

1 Petrose 3:8

Ke qetella ka ho re lona bohle le be pelonngwe, le utlwelane bohloko, le ratane jwaloka bana ba motho, le be mosa, le ikokobetse.

1 Petrose 4:8

Ho feta tsohle le ratane ka lerato le mofuthu, hobane lerato le tlosa dibe tse ngata.

2 Petrose 1:7

borapeding le eketse setswalle sa boena, mme setswalleng sa boena le eketse lerato.

1 Johanne 4:7

Baratuwa, a re rataneng, hobane lerato le tswa ho Modimo. Mang le mang ya nang le lerato o tswetswe ke Modimo, mme o tseba Modimo.

Baahlodi 9:26

Gaale, mora wa Ebede, a tla a ena le bana babo, ba fallela Shekeme. Banna ba Shekeme ba mo tshepa.