1 Bakorinthe 13:4 - BIBELE

Lerato le na le mamello, lerato le mosa; ha le na mohono, ha le na boikakaso, ha le na boikgohomoso,

Sesotho 1909/1961 (SO)

Lerato le sebete, le mosa; lerato ha le na mona; lerato ha le na boikgantsho; ha le ikgohomose.

Baasraak Sotho NT

Lorato lo pelotelele, lo pelonomi; lerato ha le honohele; lerato ha le ikgohomose, ha le ikgohomose;

Contemporary Southern Sotho Bible 2024

Lorato lo pelotelele, lo pelonomi; lerato ha le honohele; lerato ha le ikgohomose, ha le ikgohomose;

1 Bakorinthe 13:4 Referencias Cruzadas

Genese 30:1

Yare ha Ragele a bona hore ha a tswalle Jakobo bana, a honohela ngwanabo, mme a re ho Jakobo: “Mphe bana, ho seng jwalo ke tla shwa!”

Genese 37:11

Bana babo ba mo honohela, empa ntatae yena a nna a nahana polelo eo.

Nehemia 9:17

Ba hana ho mamela, ba lebala ketso tsa hao, dimakatso tsa hao, tse entsweng hara bona; ba se ke ba di natsa, ba ba manganga, ba o fetohela, ba ikgethela moetapele, hore a ba busetse bokgobeng ba bona. Empa o Modimo ya tshwarelang kamehla, o lereko, o mohau, o dieha ho halefa, o bile o lerato, mme ha o a ka wa ba furalla.

Dipesaleme 10:5

Kamehla o atleha mererong ya hae, dikahlolo tsa hao di mo phahametse, dira tsa hae tsohle o di tadima maotong.

Diproverbia 10:12

Lehloyo le fehla moferefere, athe lerato lona le iphapanyetsa diphoso tsohle.

Diproverbia 13:10

Dikgang di hlahiswa ke boikakaso, bohlale bo fumanwa ho ba mamelang dikeletso.

Diproverbia 17:14

Qabang e qala jwaloka metsi a faposwa mosele, wena e kwekwetle e eso ka e kekela.

Diproverbia 17:9

Ya lalang diphoso ka mmele o qeka ho ratwa, athe ya di pepesang yena o senya setswalle.

Diproverbia 19:22

Meharo e hlabisa motho dihlong; ho molemo ho futsaneha ho ena le ho bua leshano.

Diproverbia 31:20

Bafumanehi o ba fepa a sa kganane, bahloki le bona a ba atswe ka tsoho le batsi.

Diproverbia 31:26

Ha a etswa molomo o bua ka kelello, thuto tsa mosa di tswe lemeng la hae.

Moeklesia 10:4

Haeba kgalefo ya mmusi e o tlokela, tulo tsa hao o se ka sutha ho tsona, hoba boikokobetso bo fedisa diphoso tse kgolo.

Mattheu 27:18

O ne a tseba hore ba neelane ka yena ka baka la mona.

Diketso 7:9

“Baholoholo ba honohela Josefa, ba mo rekisa Egepeta, empa Modimo o ne a ena le yena,

Baroma 1:29

Ba tletse ho se loke hohle, bokgopo, meharo, bobe; ba tletse mona, polao, diphapang, mano, mekgwa e mebe; ke basebi,

Baroma 13:13

A re pheleng ka mokgwa o tshwanelang, jwalokaha e ka ke motsheare, e seng ka bonyollo le ka botahwa, e seng ka bohlola le ka diketso tse manyala, e seng ka dikgang le ka mohono.

1 Bakorinthe 3:3

hobane le ntse le le ba lefatshe. Ha e le mona le sa na le mohono le diqabang hara lona, na hoo ha ho supe hore le ba lefatshe, mme le laolwa ke tsa botho?

1 Bakorinthe 4:18

Ba bang ba ikgohomosa jwalokaha e ka ha ke sa tla le etela.

1 Bakorinthe 4:6

Jwale, bana beso, ke tshwantshitse tsena ka rona le Apolosi ka baka la lona, e le hore le tle le ithute ka rona ho se feteletse se ngotsweng. Ho se be ya itjang ka e mong, empa a nyedisa e mong.

1 Bakorinthe 5:2

Empa le a ikgohomosa, athe le ne le tshwanetse ho itshwabela, mme ya entseng ketso ena ebe o tlositswe hara lona.

1 Bakorinthe 8:1

Jwale ke kena tabeng ya tse hlabetsweng medimo ya bohata. Ke nnete hore rona re na le tsebo tabeng ena. Tsebo eo e ye e bake boikgohomoso, empa lerato le a hodisa.

2 Bakorinthe 12:20

Ke a tshaba, esere ha ke fihla, ka le fumana le se kamoo ke lakatsang kateng, le lona la mphumana ke se kamoo le lakatsang kateng, mme mohlomong ho ena le diqabang, mohono, kgalefo, dikgang, diketseletso, ditshebo, boikgohomoso, le meferefere.

2 Bakorinthe 6:6

ka bohlweki, ka tsebo, ka mamello, ka mosa, ka Moya o Halalelang, ka lerato le se nang boikaketsi,

Bagalata 5:26

Re se ke ra ipatlela thoriso ya lefeela; re se ke ra phephetsana, kapa ra honohelana.

Baefese 4:2

ka boikokobetso bohle, le bonolo, le boiphapanyo, le ka ho mamellana ka lerato.

Baefese 4:32

Rekolohelanang, le hauhelane, le tshwarelane, jwalokaha le Modimo a le tshwaretse ka Kreste.

BaFilipi 1:15

Ke nnete, ba bang ba phatlalatsa tsa Kreste ka mona le ka kgang, empa ba bang ba etsa jwalo ka dipelo tse ntle.

BaKolose 1:11

Le tla matlafatswa ka mekgwa yohle, ka matla a tswang tlotleng ya hae, hore le tle le be le tiisetso le mamello e phethehileng.

BaKolose 2:18

Le se ke la hlokiswa moputso wa lona ke ba ikokobetsang ka mokgwa o fosahetseng, mme ba rapelang mangeloi, ba reng ba bona dipono, ba ikgohomosang ka dintho tsa lefeela ka baka la menahano ya bona ya botho.

BaKolose 3:12

Kaha le le bakgethwa ba Modimo, ba halaleditsweng, ba ratwang ke yena, ebang le kutlwelobohloko, le mosa, le boikokobetso, le bonolo, le boiphapanyo.

1 BaThesalonika 5:14

Bana beso, re a le rapela hore le kgalemele dikgoba, le kgothatse ba nyahameng dipelo, le thuse ba fokolang, le mamelle bohle.

1 Timothea 6:4

ke moikakasi ya hlokang tsebo, ya mpang a tjhesehela ho phea kgang le ho ngangisana ka mantswe, mme hona ho tswala mona, diphapang, dinyefolo, dipelaellano tse mpe,

2 Timothea 2:25

A rute bahanyetsi ka bonolo. Mohlomong Modimo a ka ba fa hore ba bake, ba tsebe nnete,

2 Timothea 3:10

Ha e le wena, o ntatetse ka hloko thutong, metsamaong, mererong, tumelong, mamellong, leratong, tiisetsong,

2 Timothea 4:2

Phatlalatsa lentswe, o pheelle ho le bolela, ebang le a amohelwa kapa ha le amohelwe; nyatsa, kgalemela, kgothatsa, o ntse o ruta ka mamello yohle.

Tite 3:3

Pele le rona re ne re le dithoto, re hana ho mamela, re kgelohile, re le makgoba a ditakatso le a menyaka ya mefutafuta, re phela ka lonya le ka mona, re hloyehile, re hloyane.

Jakobo 4:5

Kapa le hopola hore Mangolo ha a bolele letho, ha a re: “Moya oo Modimo a o kentseng ho rona o o boulela haholo?”

1 Petrose 2:1

Ka baka leo, lahlang bobe bohle, le mano wohle, le boikaketsi, le mohono, le diketseletso tsohle.

1 Petrose 3:8

Ke qetella ka ho re lona bohle le be pelonngwe, le utlwelane bohloko, le ratane jwaloka bana ba motho, le be mosa, le ikokobetse.

1 Petrose 4:8

Ho feta tsohle le ratane ka lerato le mofuthu, hobane lerato le tlosa dibe tse ngata.

2 Petrose 1:7

borapeding le eketse setswalle sa boena, mme setswalleng sa boena le eketse lerato.

1 Johanne 4:11

Baratuwa, ha e le moo Modimo a re ratile jwalo, le rona re tshwanetse ho ratana.