Numere 5:25 - Sesotho 1909/1961 (SO)

Moprista o tla nka diatleng tsa mosadi nyehelo ya poulelo; o tla tsokotsa nyehelo pela Jehova, mme o tla e bea aletareng.

BIBELE

Ebe moprista o nka nyehelo ya phofo, ya lefufa, e matsohong a mosadi, o e akgotsa kapele ho Morena, ebe o e isa aletareng.

Numere 5:25 Referencias Cruzadas

Eksoda 29:24

o di bee kaofela ha tsona diatleng tsa Aarone, le diatleng tsa bara ba hae, mme o di tsokotse pela Jehova, e le seabelo se tsokotswang;

Levitike 8:27

Ntho tseo kaofela a di bea matsohong a Aarone, le matsohong a bara ba hae, mme a di tsokotsa pela Jehova.

Numere 5:15

monna eo o tla tlisa mosadi wa hae ho moprista, a tlise le nyehelo ya hae ya boshome ba efa ya phofo ya harese. A ke ke a tshela ole ho yona, a ke ke a bea dibano teng, hobane ke nyehelo ya poulelo, nyehelo ya kgopotso, e hopotsang bokgopo.

Numere 5:18

moprista o tla emisa mosadi pela Jehova; o tla kwaholla hlooho ya mosadi, a bee diatleng tsa hae nyehelo ya kgopotso, e leng nyehelo ya poulelo; mme moprista o tla nka ka letsohong la hae metsi a babang a tlisang thohako.

Numere 5:24

o tla nosa mosadi metsi a babang, a tlisang thohako, mme metsi a tlisang thohako a tla kena ho yena, a hlahise teng ho baba.

Numere 5:26

Moprista o tla qotsa ho ka tlatsang seatla nyehelong eo, e be ya kgopotso, mme o tla ho tjhesa aletareng; kamora tseo o tla nosa mosadi metsi ao.