Jobo 16:4 - Sesotho 1909/1961 (SO)

Le nna, ke ne nka bua jwaloka lona, hoja le dutse ditulong tsa ka; nka be ke loha ditaba hodima lona, ka oma ka hlooho ho lona;

BIBELE

Hoja boemo ba ka e ne le ba lona, ke ne nka nna ka bua jwaloka lona, ka puo tse ngata ka le tlameletsa, ka ba ka thukuthela hlooho ya ka ho lona.

Jobo 16:4 Referencias Cruzadas

2 Marena 19:21

Ke ena taba eo Jehova a e boletseng bakeng sa hae: Morwetsana, moradi wa Sione, o a o nyedisa, o tsheha ka wena; moradi wa Jerusalema o o tsokoletsa hlooho.

Jobo 11:2

Bongata bo bokalo ba mantswe na bo ka hloka phetolo na? Motho ya lehehle na o tla re, o lokile na?

Jobo 16:5

nka be ke le matlafisa ka molomo wa ka, ka le tiisa ka ho bebenya ha melomo ya ka.

Jobo 35:16

mme o ntse a ahlamisa molomo wa hae a se na taba; o ntse a bua ditaba tse sa utlwahaleng.

Jobo 6:14

Motswalle wa ya swabileng e ka kgona a mmontshe lerato; ha ho se jwalo a ka tshoha a lesa ho tshaba Ya matla wohle.

Dipesaleme 109:25

Ke neetswe ditshomo tsa bona, ha ba ntadima ba sisinya dihlooho tsa bona.

Dipesaleme 22:7

Ke sesomo sa bohle ba mponang; ba swenya melomo ya bona, ba oma ka hlooho,

Dipesaleme 22:8

ba re: O itshepetse Jehova, a ke a mo pholose, a mmoloke, haele moo a kgahliswa ke yena!

Dipesaleme 44:14

o re etsa tshomo hara ditjhaba, le komo ya hlooho hara merabe.

Diproverbia 10:19

Dipolelong tse ngata, tshito ha e hlokwe; ka baka leo, ya itshwarang molomo o bohlale.

Moeklesia 10:14

Sethoto se atisa mantswe, kanthe ha ho motho ya tsebang se tla hlaha, se tla etsahala kamora hae. Ya ka mo senolelang sona ke ha e ka ba mang?

Isaia 37:22

ke ena taba eo Jehova a e bolelang hodima hae: Morwetsana, moradi wa Sione, o a o nyedisa, o tsheha ka wena; moradi wa Jerusalema o o tsokolletsa hlooho.

Jeremia 18:16

ba entse lefatshe la bona makatso le sesomo ka ho sa feleng, hore e mong le e mong ya tla feta ka lona a tle a makale, a sisinye hlooho ya hae.

Jeremia 48:27

Na ha o a ka wa etsa Iseraele sesomo sa hao na? Na o ne a tshwerwe boshodung, haele mona o ne o sisinya hlooho ka yena, ha o bolela tsa hae na?

KOLI-YA-MALLA 2:15

Bohle ba fetang ka tsela ba opa ka diatla bakeng sa hao, ba soma, ba sisinya dihlooho bakeng sa moradi wa Jerusalema, ba re: A ke oo motse oo ba neng ba o bitsa botle bo phethehileng, thabo ya lefatshe lohle?

Sofonia 2:15

Ke wona motse oo o nyakaletseng, o neng o dutse ka kgotso, o neng o re pelong ya wona: Ke nna feela, ha ho o mong! ... O fetohile jwang nahathothe, moo ho bothang diphoofolo teng? E mong le e mong ya fetang pela wona o tla letsa molodi, a ba a tsokotse letsoho.

Mattheu 7:12

Mme jwale, ntho tsohle tseo le ratang hore batho ba le etse tsona, ba etseng tsona le lona; hobane ke wona molao le baporofeta.

Baroma 12:15

Thabang le ba thabileng, mme le lle le ba llang.

1 Bakorinthe 12:26

Mme setho se seng ha se utlwa bohloko, ditho tsohle di utlwa bohloko le sona; leha setho se seng se tlotliswa, ditho tsohle di thaba le sona.