Jobo 10:9 - Sesotho 1909/1961 (SO)

Elellwa hle hobane o mpopile jwaloka letsopa; mme o re, ke kgutlele leroleng?

BIBELE

Ako hopole, o mpopile seka letsopa; na o tla nkgutlisetsa leroleng hape?

Jobo 10:9 Referencias Cruzadas

Genese 2:7

Jehova Modimo a bopa motho ka lerole la lefatshe, mme a budulela dinkong tsa hae phefumoloho ya ho phela, mme motho ya eba moya o phelang.

Genese 3:19

O tla ja bohobe ka mofufutso wa phatla ya hao, o be o kgutlele mobung oo o ntshitsweng ho wona; hobane o lerole, mme o tla kgutlela leroleng.

Jobo 10:10

Na hase wena o ntsholotseng jwaloka lebese, wa nqhatsa jwaloka mafi a tiileng?

Jobo 17:14

Ke re ho lebitla: O ntate! le ho diboko: Le mme le ngwaneso!

Jobo 33:6

Bona, ke ntse ke tshwana le wena pela Modimo; le nna ke bopilwe ka letsopa.

Jobo 34:15

nama yohle e ne e tla shwa hang, mme motho o ne a tla kgutlela leroleng.

Jobo 4:19

ho jwalo hakakang ho ba ahileng matlung a letsopa, ba hlahileng leroleng, ba ka rinngwang jwaloka ditshwele!

Jobo 7:21

Ha o ntshwarele tshito ya ka keng, wa tlosa bokgopo ba ka na? Hobane ke se ke ya robala leroleng; o tla mpatla, mme ke tla ba siyo.

Jobo 7:7

Jehova, ako hopole hobane bophelo ba ka ke pudulo feela! Mahlo a ka ha a sa tla hlola a bona leseho;

Dipesaleme 103:14

Hobane o tsebisisa ho bopjwa ha rona, o elellwa hoba re lerole feela.

Dipesaleme 104:29

Ha o pata sefahleho sa hao, di tsielehe; ha o di amoha phefumoloho, di fele, mme di kgutlele leroleng.

Dipesaleme 106:4

Jehova, o nkgopole ka baka la lereko la hao ho setjhaba sa hao; o ntlele ka poloko ya hao,

Dipesaleme 22:15

matla a ka a omile jwaloka lengeta, leleme la ka le manne mahalapeng a ka, o nthobaditse leroleng la lefu.

Dipesaleme 25:18

Tadima bomadimabe le bohloko ba ka, o ntshwarele dibe tsa ka tsohle.

Dipesaleme 78:39

wa hopola hobane ke batho feela, ka phefumoloho e ikelang, e sa hloleng e boya.

Dipesaleme 89:47

Hopola hore bophelo ba ka bo bokgutshwanyane, le hore bana bohle ba batho o ba bopetse lefeela!

Dipesaleme 90:3

O kgutlisetsa batho leroleng, mme o re: Kgutlelang, lona, bana ba batho!

Moeklesia 12:7

lerole le eso ho kgutlele leroleng, moo le tswileng teng, moya o eso ho kgutlele ho Modimo o neng o o nee.

Isaia 45:9

Ho madimabe ya tsekisanang le Mmopi wa hae; athe ke lengeta hara mangeta a mang a letsopa! Na letsopa le ka re ho ya le bopang: O etsang na? Kapa mosebetsi wa hao o ka bua bakeng sa hao, wa re: Ha o na matsoho na?

Isaia 64:7

Ha ho motho ya rapelang lebitso la hao, ya tsohang ho itshwarella ka wena; ka baka leo, o re patetse sefahleho sa hao, o re qhibidisitse ka baka la makgopo a rona.

Isaia 64:8

Empa jwale, Jehova, o ntata rona; re letsopa, mme wena o Mmopi wa rona; kaofela ha rona re mosebetsi wa matsoho a hao.

Jeremia 18:6

Ha ke re, le nna nka etsa ka lona, ntlo ya Iseraele, kamoo mmopi eo a entseng kateng, ho bolela Jehova? Bonang, jwalokaha letsopa le le letsohong la mmopi, le lona, ntlo ya Iseraele, le jwalo letsohong la ka.

Baroma 9:21

Na mmopi ha a na tokelo ya ho etsa ka kgwabi e le nngwe ya letsopa pitsa e nngwe ya ntho tse bokwang, le e nngwe ya ntho tse sa bokweng na?

2 Bakorinthe 4:7

Empa letlotlo leo, re na le lona dipitseng tsa letsopa, matla ao a tlodisang e be a Modimo, e seng a rona.