Jeremia 48:34 - Sesotho 1909/1961 (SO)

Pokollo ya Heshbone e utlwahala ho isa Eleale; e utlwahala le ho fihla Jahatse, ho tloha Tsoware, ho isa Horonaime le Eglathe-Shelishija; hobane le wona metsi a Nimrime a sentswe.

BIBELE

“Baahi ba Heshebone le ba Elele ba a lla, sello sa bona se utlwahala Jahase, se utlwahala ho tloha Soware ho ya fihla Horonaime, se be se yo utlwahala le Egelate-Sheleshiya, hoba le metsi a Nimerime a se a pshele.

Jeremia 48:34 Referencias Cruzadas

Genese 13:10

Yaba Lota o isa mahlo a hae, a bona lehwatata lohle la Jordane, hore le nosetsehile hohle ho isa Tsoware, le le jwaloka tshimo ya Jehova, le jwaloka lefatshe la Egepeta; mohlang oo, Jehova o ne a eso ho senye Sodoma le Gomora.

Genese 14:2

marena ao a futuhela Bera, morena wa Sodoma, le Birsha, morena wa Gomora, le Shineabe, morena wa Adma, le Shemeebere, morena wa Tseboime, le morena wa Bela, ke ho re, wa Tsoware.

Jeremia 48:21

Kahlolo e setse e tlile naheng ya lehwatata, e tlile le Holone, le Jahatse, le Mefaathe,

Jeremia 48:5

Hobane moepeng wa Lukithe, ba lla le ho lla, hobane motheong wa Horonaime ho utluwa mohoo wa tshenyo ya dira.

Numere 32:3

Atharothe, Dibone, Jaesere, Nimra, Heshbone, Eleale, Sebame, Nebo, le Beone,

Deuteronoma 34:3

le naha e ka nqa borwa, le naha ya Jordane, le lehwatata la Jeriko, motse wa dipalema, ho isa Tsoware.

Joshua 13:18

le Jaatse, le Kedemothe, le Mefaathe;